ବିଜୟା ଦଶମୀ

ଦୁଷ୍ଟ ଅତ୍ୟାଚାରୀ ମହିଷାସୁର 

ଲଭିଥିଲା ବ୍ରହ୍ମାଙ୍କର ବରଦାନ

ମହିଷାସୁର ପ୍ରକୋପରେ ଥରହର 

ହେଉଥିଲା ତ୍ରିପୁର ଭବନ।।

ମହିଷାସୁର ଅତ୍ୟାଚାର ରୁ ରକ୍ଷା ପାଇଁ

ଆର୍ବିଭାବ ହେଲେ ମା ଦୁର୍ଗା ଦଶଭୂଜା

ଆଶ୍ୱିନ ମାସ ଶୁକ୍ଳପକ୍ଷ ଦଶମୀ ଦିନ

ମହିଷାସୁରକୁ କରିଲେ ବିନାଶ

ସେହି ଦିନକୁ ପାଳିତ ବିଜୟା ଦଶମୀ ।।

ତ୍ରେତୟା ଯୁଗରେ ପ୍ରବଳ ପ୍ରତାପୀ ରାବଣ 

ସୀତା ଙ୍କୁ କରିଥିଲେ ଅପହରଣ

ରଖିଥିଲେ ନେଇ ଅଶୋକ ବନେ 

ପ୍ରଭୁ ଶ୍ରୀରାମଚନ୍ଦ୍ର କରି ରାବଣ ନିଧନ

ବିଜୟା ଦଶମୀରେ ଅଧର୍ମକୁ ଜୟ କରି

ଦେବୀ ସୀତାଙ୍କୁ ଫେରାଇ କଲେ ଧର୍ମର ସ୍ଥାପନ।।

ଯୁଗେ ଯୁଗେ ଧର୍ମର ସ୍ଥାପନ ପାଇଁ

କେବେ କୃଷ୍ଣ ଅବତାର

କେବେ ପୁଣି ରାମ ଅବତାର

କେବେ ମାତା ଦୁର୍ଗା ଦଶଭୂଜା

ବିନାଶନ୍ତି ଧରା ଧାମେ କରନ୍ତି ଧର୍ମର ସ୍ଥାପନ।।

ଅହଂକାର, ଅନୀତି, ଅଧର୍ମ ବଢିଲେ

ଜଗତେ ଜନ୍ମ ନିଅନ୍ତି ପ୍ରଭୁ ବିଭିନ୍ନ ରୂପରେ

ପାପୀଙ୍କୁ ବିନାଶ କରି ଏ ଧରାଧାମରୁ

ପାଳନ କରନ୍ତି ଏଠି ବିଜୟା ଦଶମୀ।।