ବୀର ଭଗତ ସିଂହ ---- ୩ ,

ତୁମ ଯୋଗୁଁ ଥିଲେ ଫିରିଙ୍ଗି ଶାସକେ

ସରବଦା ଶଙ୍କାକୁଳ  

ତବ ତୀରଧାନେ ବଢିଲା ତାଙ୍କର

ସାହସ ବିକ୍ରମ ବଳ ॥

ହେ ବୀର ସଂଗ୍ରାମୀ ଦେଶ ସୁଭକତ

ଶହୀଦ ଭଗତ ସିଂହ  

ତୁମ ପରି ବହୁ ସଂଗ୍ରାମୀଙ୍କ ପାଇଁ

ହୋଇଲୁ ଆମେ ସ୍ୱାଧୀନ ॥

ଅରପୁ ଆଦରେ ଶରଧା ସୁମନ

ଶ୍ରଦ୍ଧା ବାର୍ଷିକୀ ପାଳନ 

କରି ଦେଶ ବାସୀ ସଂଗ୍ରାମର ଗାଥା

ସୁମହାନ ବଳିଦାନ ॥

ସ୍ମରଣ ରଖିବା ପାଇଁ ସାରା ଦେଶେ

ଘେନ ହେ ବୀର ପ୍ରଣାମ

ଇଂରେଜ ସର୍କାର ନିତି ଥରହର

ତବ ନାମ ଓ ସଂଗ୍ରାମ ॥

ଲାଗି ରହି ଥିଲା ନିତି ଉଠୁ ଥିଲା

ହୃଦେ ତା'ର ହୃତ୍ କମ୍ଫନ

ତୁମରି ବିକ୍ରମ ତୁମ ପରାକ୍ରମ

ଆଉ ଆନ୍ଦୋଳନ ମାନ ॥