ବୀର ଭଗତ ସିଂହ - ୨

ଧନ୍ୟ ତୁମେ ବୀର ଭାରତ ମାଟିର

ଶହୀଦ ଭଗତ ସିଂହ

ପଞ୍ଜାବ ପ୍ରଦେଶେ ଆହା ଶୁଭ କ୍ଷଣେ

ଗ୍ରହଣ କରି ବିଗ୍ରହ ॥

ତୁମ ଜନ୍ମ ସ୍ଥାନ ପାକିସ୍ଥାନେ ଆଜି

ଭାରତର ବିଭାଜନୁ

ଧନ୍ୟ ତୁମେ ବୀର ହେ ଭଗତ ସିଂହ

ତବ ପୂତ ବଳିଦାନୁ ॥

ବୀର ପ୍ରସବିନୀ ଭାରତ ଜନନୀ

ଲଭିଲେ ନବ ସାହସ

ଜାତୀୟ ସଂଗ୍ରାମେ ତୁମେ ରଣ ଯଜ୍ଞେ

କି ! ଦମ୍ଭରେ ଦେଲ ଝାସ ॥

ରାଜଗୁରୁ (ଶିବରାମ) ଆଉ ସୁଖଦେବ ସାଥେ

ଫାଶୀ ଖୁଣ୍ଟେ ଚଢାଇଲା

ବ୍ରିଟିସ ସର୍କାର ଯେ କ୍ରୂର ବର୍ବର

ନିୟମ କାନୁନ ଲୀଳା ॥

ହସି ହସି ହେଲ ଶହୀଦ ହେ ତୁମେ

ଗଲ ଚିର ଯଶ ରଖି

ହେ ବୀର ଭଗତ ସିଂହ ଧନ୍ୟ ତୁମେ

ଧନ୍ୟ ତୁମ୍ଭର କୀରତି ॥