ବିଦ୍ୟା

ବିଦ୍ୟା ଅଟଇ ମହାଧନ

ବାଳକେ କର ଉପାର୍ଜନ।

ବିଦ୍ୟା ଏକ ଶକ୍ତି ପ୍ରବେଶ କରିଲେ 

ମଣିଷ ହୃଦର ମଧ୍ୟେ 

ପରିବର୍ତ୍ତନର ଝଙ୍କାର ତୋଳଇ

ଅସତ୍ୟର ପଥ ରୁଦ୍ଧେ ।

ଦୁନିଆର ସବୁ ଖବର ଜାଣଇ

ହୁଏ ପରା ସିଏ ଶିକ୍ଷିତ

ଭଲ ମନ୍ଦ ବାଛି ବିଚାର କରଇ 

ବଢଇ ମାନ ଓ ମହତ ।

ବିଦ୍ୟା ଵୁଦ୍ଧିବଳେ କରମ କରଇ

ସତ୍ୟ ଅସତ୍ୟର ଠିକଣା 

ଈଶ୍ବର ଭକତି ଆସଇ ଆସକ୍ତି 

ବିଦ୍ବାନରେ ହୁଏ ସେ ଗଣା ।

ଆଦର୍ଶରେ ହୁଏ ସେ ଅନୁପ୍ରାଣିତ 

ସହନ ଶକତି ବଳରେ 

ଅସାଧ୍ୟକୁ କରେ ସେହୁ ଯେ ସାଧନ 

ପିତା ମାତା ଆଶିର୍ବାଦରେ ।

ବିଦ୍ୟା ଯୋଗୁଁ ବସେ ମାନ୍ୟଗଣ୍ୟ ସଙ୍ଗେ 

କରଇ ଦେଶର ଉନ୍ନତି 

ନାନା ପଦବୀରେ ହୁଏ ବିଭୁଷିତ 

ଖୋଜଇ ଦେଶର ପ୍ରଗତି ।

ପିତାମାତା ପଦେ ରଖିଥାଏ ଧ୍ୟାନ

କରେ ପରିବାର ପୋଷଣ 

ଗୁରୁଙ୍କୁ ସମ୍ମାନ ବଢେ ତାର ଜ୍ଞାନ

ଇତରେ ନ ଦିଏ କଷଣ ।

ବିଦ୍ୟା ହିଁ ଦେଖାଏ ରୋଜଗାର ପନ୍ଥା

ବିଦ୍ୟା ବଳେ ସବୁ ସମ୍ଭବ 

କୁକର୍ମ ଦେଖିଲେ ଦିଏ ପଛଘୁଞ୍ଚା

ବିଦ୍ୟା ଚେତନାର ରକ୍ଷକ ।

ବିଦ୍ୟା ବିନୁ ସବୁ ଅସାର ହୁଅଇ 

ହୋଇଥିଲେ ମଧ୍ୟ ମଣିଷ 

ବିଦ୍ୟା ଅଟେ ଶ୍ରେଷ୍ଠ ଏହି ଜଗତରେ 

ବିଦ୍ୟା ହିଁ ଦେଖାଏ ସୁପଥ ।