ବିଭାଜିତ ହେବା ନାହିଁ

ଅଗଷ୍ଟ ମାସର ପନ୍ଦର ତାରିଖ

ଉଣେଇଶ ସତ୍ଚାଳିଶ

ଇ଼ଂରେଜ ହାତରୁ ମୁକ୍ତିଲାଭ କରି

ହୋଇଲା ସ୍ଵାଧୀନ ଦେଶ ।

ସ୍ଵାଧୀନତା ପାଇଁ ପ୍ରାଣ ବଳି ଦେଇ

ଲଢ଼ି ଥିଲେ କେତେ ବୀର,

ଅସହଯୋଗର ଆନ୍ଦୋଳନ କରି

ଭୋଗିଥିଲେ କାରାଗାର ।

ତାଙ୍କ ତ୍ୟାଗ ପାଇଁ ଆମେ କରୁ ଗର୍ବ

ସ୍ଵାଧୀନ ଭାରତ ଦେଶ,

କାହିଁ ପାଇଁ ହେଲା ଦେଶ ବିଭାଜନ

କାହାର ଥିଲା ସେ ଦୋଷ ।

ଆଜି ଆର୍ଯ୍ୟବର୍ତ୍ତ ନୋହି ବିଭାଜିତ

ଥାନ୍ତା ଯଦି ଏକ ହୋଇ,

ବିଶ୍ଵରେ ବିଖ୍ୟାତ ହୋଇ ରହିଥାନ୍ତା

ଶକ୍ତି ଓ ସାମର୍ଥ୍ୟ ପାଇଁ ।

ଚାଲ ଆଜି ସର୍ବେ ଶପଥ କରିବା

ଦେଶର ଏକତା ପାଇଁ ,

ବିବିଧତା ମଧ୍ୟେ ଏକତା ରଖିବା

ବିଭାଜିତ ହେବା ନାହିଁ ।

‌