ଭଉଣୀ ରାକ୍ଷୀର ମାନ

ସ୍ନେହ ମମତାର ସମ୍ପର୍କକୁ ନେଇ

   ଆସିଛି ରାକ୍ଷୀ ବନ୍ଧନ

ଭଉଣୀ ହାତରୁ ରାକ୍ଷୀ ବାନ୍ଧିବାକୁ

    ବ୍ୟାକୁଳ ଭାଇର ମନ

    ସ୍ନେହ ବନ୍ଧନେ ଜୀବନ

ଭାଇଟି ହୋଇବ ସୁରକ୍ଷା କବଚ 

    ରଖିବ ଭଉଣୀ ମାନ ....୧

ସୁତା ଖିଅଟିଏ ଏ'ରାକ୍ଷୀର ଡୋରି

     ସମ୍ପର୍କକୁ ରଖେ ବାନ୍ଧି

ବିପଦେ ଆପଦେ ସାହା ହେବ ବୋଲି

    ବିଶ୍ୱାସରେ ମନ ବନ୍ଦୀ

    ସେନେହର ଇଏ ସ୍ମୃତି 

ସୁଖ  ସୌଭାଗ୍ୟର କାମନାକୁ ନେଇ 

   ଭାଇ ଭଉଣୀଙ୍କ ଚୁକ୍ତି .... ୨

ମମତାର ରଙ୍ଗ ଏ'ରାକ୍ଷୀ ବନ୍ଧନ

    ଭାଇ ଯାଉଥାଏ ଧାଇଁ

ସୁନା ଭଉଣୀର ସେନେହ କାଙ୍ଗାଳ

     ରକ୍ତର ଡ଼ାକରା ଏଇ 

     ସୁରକ୍ଷା କବଚ ନେଇ 

ଜଗା ବଳିଆର ଶୀରି ବଢ଼ାଉଚି

   ଭଉଣୀ ସୁଭଦ୍ରା ଦେଈ .... .୩

ଶୁଭ ମୂହୁର୍ତ୍ତରେ ଆସିଛି ଏଦିନ

   ପରମ୍ପରା ସାଥେ ଧରି 

ସମର୍ପଣ ମନେ ଭଗିନୀ ବାନ୍ଧିବେ

   ସମ୍ପର୍କର ସୂତା ଡ଼ୋରୀ 

    ଭୁଲି ଅଙ୍କ ଅଭିମାନ 

 ପ୍ରତିଦାନେ ଭାଇ ରଖିଛି ରଖିବ 

   ଭଉଣୀ ରାକ୍ଷୀର ମାନ ....୪