ଭୁଲଟିଏ କଲି ପାଖୁଡା-ଚାରି

ପାଖୁଡା - ଚାରି

ନିଜ ମନକୁ

ମନ ଅମାନିଆ ହୋଇଲା ଛାନିଆଁ

ଆଗ ପଛ ନ ଭାବିଲା

ଦେଖିଲା ମାତ୍ରକେ କହିଲା ଅଳ୍ପକେ

ନିଜକୁ ହାଲୁକା କଲା

କହିଦେଲି ମୂଳ

କି ହୋଇବ ଫଳ

ମୁଁ ଛାର ଥରେ ନ ଭାବିଲି....

କେଡ଼େ ଭୁଲଟିଏ । କଲି.....।1।

ତୋତେ ସଖି ପଣେ ଭାବିଥିଲି ଦିନେ

ଆଜି ଦେଲୁ ପର କରି

ଏ ଘଡି ସନ୍ଧିରେ ତୋ ଖିଆଲି ପଣରେ

ଭୋଗେ ତିଳ ତିଳ କରି

କେଉଁ ଜନମର

କେଉଁ କରମର

କି ପାପ ମୁଁ କରିଥିଲି,,,।2।

ମୁଁ କେଡ଼େ ଭୁଲଟିଏ କଲି ଲୋ ସଜନୀ

କେଡ଼େ ଭୁଲଟିଏ କଲି

ବୁଝି ନ ପଚାରି

ମନେ ନ ବିଚାରି

ମନ ଖୋଲି କହିଦେଲି

କେଡ଼େ ଭୁଲଟିଏ କଲି। ।।।

କଲ୍ୟାଣୀ ନନ୍ଦ

ଫକୀର ମୋହନ ସାହିତ୍ୟ ପରିଷଦ,ବାଲେଶ୍ୱର