ଭୁଲ ଠିକଣା
ଭୁଲ ଠିକଣା
1 min
242
ଠିକଣା ଥିଲା ମୋ ହାତେ
ଖୋଜି ବୁଲିଲି ମୁଁ କେତେ |
ବୁଲି ବୁଲି ମୁହିଁ ହାଲିଆ ହେଲିଣି
ପାଉନି ତ କାହିଁ ତତେ ||୧||
ହରିଦ୍ଵାର ଗଲି ମୁହିଁ
ଆଶାର ତରଣୀ ନେଇ |
ରିକ୍ତହସ୍ତେ ପୁଣି ଫେରିଲି ହେ ପ୍ରଭୁ
ବଦରୀନାଥକୁ ଯାଇ ||୨||
ଆତୁରେ ବୁଲିଲି ଏ ଧାମରୁ ସେଧାମ
ବୁଲିଲି ମୁଁ ଚତୁର୍ଧାମ |
ସାଗରକୁ ପରା ଛୁଇଁବାକୁ ସତେ
ସ୍ରୋତସ୍ଵିନୀ ନଦୀ ସମ ||୩||
ପ୍ରେମରସ ପାଇଁ ଚରାଚର ପ୍ରାଣୀ
ଅହରହ ଖୋଜୁଥାଇ |
ଅପୂର୍ଣ ରହେ ସେ ରାସଲୀଳାର ଅଭାବେ
ତୃଷ୍ଣା ତା’ର ମିଟେ ନାହିଁ ||୪||
କସ୍ତୁରୀର ଠିକଣା ତ
ଅଟେ ନିଜ ନାଭିକେନ୍ଦ୍ର |
ଭ୍ରମେ ମୃଗ ଖୋଜିବୁଲେ ବନେ
ସେଇ କସ୍ତୁରୀର ଗନ୍ଧ ||୫||
ଓଁ କାରକୁ ଖୋଜିବୁଲେ ସିଏ
ବିଭିନ୍ନ ନାଦରେ |
ବ୍ରହ୍ମନାଦ ରୂପେ ରହିଥାଏ ସେତ
ହୃଦୟ କନ୍ଦରେ ||୬||