ଭୃଣ ହତ୍ୟା

ଭୃଣ ହତ୍ୟା କଥା ଭାବିଲା ବେଳକୁ 

ଛାତି ହୁଏ ଥରହର ।

କେମିତି କେଜାଣି ଆଜିର ମଣିଷ 

କରୁଛି ଏ ବ୍ୟଭିଚାର ।୧।

ଗର୍ଭବତୀ ମାତା କେବେ କି ଚାହିଁବ 

ହତ୍ୟା କରିବାକୁ ଭୃଣ ।

ହେ ମାନବ ! ତୁମେ କିପାଇଁ କରୁଛ

ଅମଣିଷ ଆଚରଣ ।୨।

କନ୍ୟା ଜାତ ହେଲେ ଶାଶୁଘର ଯିବ

ଯଉତୁକ ନେଇ ଯିବ ।

ବାପର ଉପରେ ଚାପ ପଡିଯିବ 

ଯଉତୁକ କାହୁଁ ଦେବ ।୩।

ଏମିତି ଭାବନା ଆସିଲେ ମନରେ 

ଅବା ପୁଅଟି ପୋଷିବ ।

ଝିଅ ବଡ ହେଲେ ଯଉତୁକ ନେଇ 

ଶାଶୁଘର ନିଶ୍ଚେ ଯିବ ।୪।

ଅଲଟ୍ରାସାଉଣ୍ଡର ପ୍ରଚଳନ ଯୋଗୁଁ 

ଲିଙ୍ଗ ନିରୂପଣ କରି ।

କନ୍ୟା ଭୃଣ ଅଛି ମାତୃ ଗର୍ଭେ ଜାଣି 

ତାକୁ ଦେଉଛନ୍ତି ମାରି ।୫।

ସହର ଅପେକ୍ଷା ଗାଁ ଗହଳିରେ 

ବେଶୀ ହେଉଅଛି ଏହା ।

ଝିଅ ସଂଖ୍ୟା ତେଣୁ ଦିନୁଁ ଦିନ କମେ 

ସମସ୍ତେ ଜାଣନ୍ତି ଏହା ।୬।

ଆଇନ୍ ହୋଇଛି ଲିଙ୍ଗ ନିରୂପଣ

କରି ପାରିବେନି କେହି ।

ଆଇନ୍ ବାଟରେ ଆଇନ୍ ରହିଛି 

କେହି ଜଳା ବାଟ ଦେଇ ।୭।

ଆଖିଠାର ମାରି ଆଇନକୁ ସିନା

ଲିଙ୍ଗ ନିରୂପଣ କରି ।

ଲକ୍ଷ ଲକ୍ଷ ଲିଙ୍ଗ ନିରୂପଣେ କନ୍ୟା 

ଭୃଣକୁ ଦିଅନ୍ତି ମାରି । ୮।

ପତ୍ନୀଟିଏ ଲୋଡା ସବୁ ପୁରୁଷର 

ପ୍ରେମିକା କାହାର ଲୋଡା ।

ଝିଅଟିକୁ ତେବେ କହ କାହିଁପାଇଁ 

ଭାବୁ ଥାଆନ୍ତି ଅଲୋଡା ।୯।

କନ୍ୟା ଭୃଣ ହତ୍ୟା ସେ ମହାପାତକ

ଏକଥା ମନରେ ଧର ।

ହୀନମନ୍ୟତାକୁ ସରବେ ମନରୁ 

ସଦା କର ପରିହାର ।୧୦।

କନ୍ୟା ମାତୃଶକ୍ତି କନ୍ୟା ବିନା କେଉଁ 

ଜାତି କି କେବେ ତିଷ୍ଠିବ ।

ଭୃଣ ହତ୍ୟା ନିଶ୍ଚେ ମହା ଅପରାଧ 

ଏ କଥା ମନେ ରଖିବ ।୧୧।