ଭୋକିଲା ପେଟ

ମିଛମାୟାର ଏ' ସଂସାର ଭିତରେ

    ଦୁଃଖ ଭରା ଏ'ଜୀବନ

ନିଜର ବୋଲି ଯେ' ନାହାନ୍ତି କେ ଆମ

     ଜୀବନଟା ହୀନିମାନ

 

ବାପା ମାଆ ଦୁହେଁ ଛାଡି ଚାଲିଗଲେ

    ଆମକୁ ଏ ରାଜଦାଣ୍ତେ

ଖାଇବାକୁ ନାହିଁ   ପିନ୍ଧିବାକୁ ନାହିଁ

    ଚିରା କନା ମଧ୍ଯ ଖଣ୍ତେ

ପେଟ ଚାଖଣ୍ଡକ  ପାଇଁ ନିତି ବୁଲୁ

    ଏ ଦୁଆର ସେ ଦୁଆର 

ଭିକାରୁଣୀ ବୋଲି  ଏଇ ଦୁନିଆରେ

Advertisement

     ଅଟେ ପରିଚୟ ଆମର

ସାଙ୍ଗରେ ମୋହର  ଭାଇ ଭଉଣୀ

    ସାହା ସେ ଜଗତନାଥ

ତାଙ୍କୁ ସୁମରିଣ  ଏ ଜୀବନ କଟୁ

     ଅନାଥର ସିଏ ନାଥ

ଷାଠିଏ ପଉଠି   ଭୋଗରୁ ତୁମର

     ଦିଅ ମୁଠେ ପ୍ରଭୁ ଅର୍ଣ୍ଣ

ତୁମ ଶ୍ରୀମନ୍ଦିର ସିଂହଦୁଆରେ ବସି

     ଭଜୁଥିବୁ ତୁମ ନାମ

     ଜୟ ପ୍ରଭୁ ଦାରୁବ୍ରହ୍ମ