ଲାଇବ୍ରେରୀ
ପ୍ରୋଫାଇଲ୍
ଭୋକ
ଭୋକ
1 min
318
ଭୂଗୋଳରେ
ଏବେ ଯୋଡା ହୋଇଛି
ଭୋକର ଫର୍ଦ
ମାନଚିତ୍ର ଦେଖି ଜାଣିହେବ
କେଉଁ ଜାଗାରେ ପେଟ ଜ୍ଵାଳା ପାଇଁ
ଖାନ୍ତି ଆମ୍ବ କୋଇଲି
କେଉଁଠି ବିକନ୍ତି
କଅଁଳ ନିଷ୍ପାପ ଶିଶୁ
କେଉଁଠି ଚାଲିଥାଏ
ଦେହ ଦହନ
କେଉଁଠି ଦାଦନ ଯାଇ
କଟିଯାଏ ହାତ ଗୋଡ
କେଉଁଠି ମଣିଷ
କୁକୁର ବିଲେଇ ଖାଆନ୍ତି
ଗୋଟେ ଜାଗାରେ
ଏ ତ ସବୁ
ଗୋଟେ ଗୋଟେ ଅଧ୍ୟାୟ
ସେବେ ଆମେ ପଢିଥିଲୁ
ଏବେ ଆମ ପିଲା ପଢୁଛନ୍ତି
କେବେ ବଦଳିବ
କିଏ କହିବ
ଏ ଭୌଗୋଳିକ ସ୍ଥିତି
ଏମିତି ରହିଲେ ଠିକ
ନା ବଦଳିଲେ ଭୁଲ ?
