ଭଲ ମଣିଷ ହେବି

ସତ କହିବାକୁ କିଆଁ ଡରିବି 

ଆହେ ଦୟାମୟ ବିଶ୍ୱ ବିହାରୀ 

ଘେନ ଦୟାବହି ମୋର ଗୁହାରି 

ପିତା ମାତା ଗୁରୁଙ୍କୁ ଭକ୍ତି କରିବି 

ଚୋରି କରିବାଠୁ ଦୂରେ ରହିବି 

ମିଛ କହିବା ମହାପାପ ବୋଲିବି 

କେଵେ ମିଛ ନକହି ମୁଁ ସତ କହିବି 

ଆଖି ଦେଖିବା କଥା ବିଶ୍ୱାସ କରିବି 

କାନ ଶୁଣା କଥାକୁ ଡରିବି 

ମନ ଦେଇ ପାଠ ପଢ଼ିବି 

ମଧୁ ବାରିଷ୍ଟର ପରି କାଳିଆ ଘୋଡା ଚଢ଼ିବି 

ସୁବାଷ ବୋଷଙ୍କ ପରି ଦିଲ୍ଲୀ ମୁଁ ଯିବି 

ଦେଶ ସେବକ ଗୋପବନ୍ଧୁଙ୍କ ପରି ହୋଇବି 

ଶ୍ରଦ୍ଧା ସୁମନ ଦେଇ ପ୍ରତିଜ୍ଞା କରିବି 

ଆଜି ଅଛି କଢି କାଲି ଯିବି ବଢ଼ି ଫୁଟିବି 

ଭଲ ଗୁଣ ଧରି ଭଲ ମଣିଷ ପରି ହୋଇବି 

ଫୁଲଠୁ ନରମ ମନ ରଖି କର୍ମ କରିଯିବି 

ଗାନ୍ଧି ଜବାହାର ଶାସ୍ତ୍ରୀଙ୍କ ଭଳି ଦେଶ ସେବା କରିବି 

ଶିକ୍ଷା ଆୟୁଧ ଧରି ମଶାଲ ଜାଳିବି 

ଗୁରୁ ଜ୍ଞାନ ଲଭି ଅନ୍ଧକାରୁ ଆଲୋକକୁ ଫେରିବି

ଛନ୍ଦ କପଟ କେଵେ ନକରିବି 

ଅଳସୁଆ ହୋଇ ସମୟ ନଷ୍ଟ ନକରିବି 

ସଞ୍ଚୟ ଗୁଣ ପିମ୍ପୁଡିଠୁ ଶିଖିବି 

ସାହାସ ବଳରେ ଧର୍ଯ୍ୟ ରଖି ଉପର ଶିଡ଼ି ଚଢ଼ିବି