ଭଲ କାମ

ସଭିଏଁ କୁହନ୍ତି ଭଲ କାମ କର

     ଜଗତେ ରହିବ ମହତ

ଆଚାରେ ବ୍ୟବହାର ରେ ଶାଳୀନତା ପୁଣି

     ମୁଖେ ଥାଉ ସଦାସତ l

ସଂଯମ ରଖ ତୁ ସକଳେ କର୍ମେ

      ଧ୍ୟାୟି ନିତ୍ୟ ପରହିତ

ଦୁଃଖୀ ଜନ ମୁଖେ ହସଟେ ଫୁଟିଲେ 

      ଦୂର୍ମୁଲ୍ୟ ସେ ସମ୍ପଦ l

ସଂକୀର୍ଣ୍ଣ ସ୍ୱାର୍ଥ କୁ ଭୁଲି ତୁହି

      କୋମଳପରସେ ହସୁ ମରତ

କୋଟି ଜନ୍ମ ର ପୁଣ୍ୟ ଫଳେ

      ମାନବ ଜନ୍ମ ପ୍ରାପତ l

ପ୍ରତିକ୍ଷଣେ ହୁଏ ମାୟା ରେ ଜଡିତ

       ସତକର୍ମେ କର ମୁକତ

କାଳ କବଳିତ ସଭିଙ୍କ ପରାଣ ଏଠି

       ମରଣ ନିଷ୍ଠୁର ସତ l

ଆଗମନ ଶୂନ୍ୟ ବିଦାୟ ଯେ ଶୂନ୍ୟ

       ମିଶିବ ସେଇ ମହାଶୂନ୍ୟେ ତ

 ଶେଷ ସମୟ ଯେ ଆସି ପହଂଚିବ 

       ଅଭିନୟ ହେବ ଶେଷତ l

ବେଳଥାଉଁ ଭଲ କାମ କର ତୁହି

       ଝୁରୁଥାଉ ସଦା ଜଗତ l