ଭଜୁଛି ମୁଁ ତୁମ ନାମ ହୃଦେ ଧରି ଧରି

ଜଗତରେ ପ୍ରଭୁ କେହି ନାହିଁ ଆଉ

କହିବାକୁ ତୋର ପରି

କ୍ଷଣିକରେ ମନ ନେଇଯାଉ ତୁହି

କରୁ କେତେ ମନ ଚୋରି

ହରେକୃଷ୍ଣ ହରେରାମ ହରି ହରି ହରି

ଭଜୁଛି ମୁଁ ତୁମ ନାମ ହୃଦେ ଧରି ଧରି

ଭୂମି ସ୍ଵର୍ଗ କେତେ ଭୁଲୋକେ ଭରିଛି

ଶ୍ରୀକ୍ଷେତ୍ରେ ହେଲ ବିହାରୀ

ଜଗତର ପ୍ରଭୁ ବୋଲି ସିନା ତୁମେ

ତୁମେ ଏକା ଦୁଃଖହାରୀ

ହରେକୃଷ୍ଣ ହରେରାମ ହରି ହରି ହରି

ଭଜୁଛି ମୁଁ ତୁମ ନାମ ହୃଦେ ଧରି ଧରି

ସଂସାର ସାଗରେ ତୋ ଭକ୍ତି ଭାବରେ

ତୋ ସ୍ନେହ ପାଇଲେ ଭରି

ଜଗତରେ ପ୍ରଭୁ ଆଉ କି ଲୋଡିବି

ମୁଁ ତ ନୁହେଁ ସୂର ସୂରି।

ହରେକୃଷ୍ଣ ହରେରାମ ହରି ହରି ହରି

ଭଜୁଛି ମୁଁ ତୁମ ନାମ ହୃଦେ ଧରି ଧରି

ରଖିଛି ମୁଁ ମନ ଦେବାକୁ ଅର୍ଚ୍ଚନ

ଦେଉଥିବି ମନ ଭରି

ଆନନ୍ଦରେ ହେବି ପରମାନନ୍ଦ ମୁଁ

ନିରସ୍ତ କୁହକ ପରି

ହରେକୃଷ୍ଣ ହରେରାମ ହରି ହରି ହରି

ଭଜୁଛି ମୁଁ ତୁମ ନାମ ହୃଦେ ଧରି ଧରି

ପ୍ରଶାନ୍ତ କୁମାର ହୋତା