ଭଦ୍ରମୁଖା

*ଭଦ୍ରମୁଖା*

ଯୌବନ ଚରିତ୍ରେ ଲଗାଏତ ଅଗ୍ନି

ନିଶାସକ୍ତର ଅଫିସର

ସଂସାର ବୋଝ ମୁଣ୍ଡାଇଛି ଅବଳା

ଭଦ୍ରମୁଖା ଅତ୍ୟାଚାର ।

ରାଜପଥ ହେଉ ବା ବଜାର ଘାଟ

ଲୁଟେରାଙ୍କ ଅତ୍ୟାଚାର

ରାସ୍ତା ମଝିରେ ଦୁର୍ଘଟଣା ଘଟାଏ

ଭଦ୍ର ଯୁବ କୁଳାଙ୍ଗାର ।

କାୟା ବିସ୍ତାରରିଛି ଭଦ୍ରମୁଖାଙ୍କର

ଅପକର୍ମ କୀର୍ତ୍ତି ମାନ

ବିଶ୍ୱାସ ପଛରେ ଭରିଅଛି ସ୍ୱାର୍ଥ

ସମ୍ପର୍କ ବଳୟ ଶୂନ୍ୟ ।

ସବୁଠୁ ପବିତ୍ର ସଂସାରର ସୁଖ

ହସ କାନ୍ଦ ଅଭିମାନ

ଅଣ୍ଟି ଛୁରୀ ଯେବେ ତଣ୍ଟିକୁ କାଟଇ

ଭଦ୍ରମୁଖା ସଇତାନ ।

ଜୀବନର ମାନଦଣ୍ଡ ଭାରି ଜଟିଳ

ପରଶ୍ରୀ କାତର ଭରି

ଯନ୍ତ୍ରଣା ଜର୍ଜରିତ ପରଧି ମଧ୍ୟରେ

ଛଳନା ମୁଖାରେ ରହି ।

ନିରିହାଟି ନୀରବେ ଅଶ୍ରୁ ନିଗାଡେ

କଳଙ୍କିତ ଜନ ପାଇଁ

ଭଦ୍ରମୁଖା କାମାନ୍ଧ ସେ କାମୁକ

ବିଶ୍ୱାସରେ ବିଷ ଦେଇ ।

ମଣିଷ ବୋଲାଉ ଥିବା ନର ରାକ୍ଷସ

କଳାଧନେ ଗଳାକାଟି

ବିବେକ ଶୂନ୍ୟ ହୋଇଛି ସମାଜ

ଭଦ୍ରମୁଖାଙ୍କ ଦୁର୍ନୀତି ।