ଭଦ୍ର ମୁଖା ପିନ୍ଧା ଲୋକ

ଜଣା ନ ଥିଲା ସତରେ

        ଏମିତି ବି କିଛି ଘଟିଯିବ

ଆଖି ପିଛୁଳାକେ ମଣିଷ

          ନିଜ ଚେହେରା ବଦଳିବ ,

ନିଜ ଯୋଜନାକୁ ରୂପ ଦେବା ପାଇଁ

           ମନର ନିକୁଞ୍ଜ ବନରେ

ସେ ପିନ୍ଧିଦେବ ଭଦ୍ର ମୁଖାଟିଏ

         ତମ ଆଗେ ଅଭୟ ମୁଦ୍ରାରେ ।

ହଁ ଏଥିରେ ଆଶ୍ଚର୍ଯ୍ୟ ହେବାର

              କ'ଣ ଆଉ ଅଛି,

ଦୁଇ ପଇସା ଲୋଭରେ ଜନ୍ମ କଲା ବାପ ଯେଉଁଠି

                ଝିଅ କୁ ବିକ୍ରି କରି ପାରୁଛି ......!

ସେଇଥିପାଇଁ ତ 

        କାଦୁଆ ଫିଙ୍ଗା ଫିଙ୍ଗିରେ ଲାଭ ନାହିଁ

ନିଜକୁ ହିଁ ସତର୍କ ହେବାକୁ ହେବ

             ଆଖ ପାଖର ପରିସ୍ଥିତି କୁ ଚାହିଁ ,

ନଚେତ୍ ନୈତିକ ମୂଲ୍ୟବୋଧର

              ଅବକ୍ଷୟ ଦେଖୁ ଦେଖୁ

ଠକାମିର ଶିକାର ହବା ପାଇଁ ପଡ଼ିପାରେ

         ଏ ସତରଙ୍ଗି ଦୁନିଆରେ ତମକୁ ।

ଏମିତି ବି ଏଠି ବୁଝିଲା ବେଳକୁ

         ନାଲିଫିତା ର ରହସ୍ୟ

             ଭଲ କରି ଏ ଜୀବନରେ,

ମୁଖା ପିନ୍ଧା ଲୋକଟି ଚାଲିଯାଇ ଥାଏ

         ଆମ ଖିଆଲି ଦୁନିଆଠୁ 

              କାହିଁ କେତେ ଦୂରେ ....... ।