ଭଡା଼ଘର

ଭଡା଼ଘର ଭଲ 

ଯଦି ରୋଜଗାର ଅଛି

ଏଠି ସବୁ କରି ହୁଏ

କାମନା,ବାସନା ଧର୍ମ ଅବା ରାଜନୀତି।

ଏ ଭଡା଼ଘର ତ 

ଦୋକାନ,ଅଫିସ ଅବା ରହିବା 

ସବୁ ହିଁ'ର ଗନ୍ତାଘର 

ଯେମିତି ଅମରାବତୀ।

ଦେଖୁନ !

ଆଜି ସହରେ ବଜାରେ 

ଦେହ ବ୍ଯବସାୟ ପୂରା ଖୁଲମ ଖୋଲା

ସଭିଏଁ ଜାଣି ବି ଅଜଣା

ସଭିଙ୍କର ହାତ ଥାଏ ବୋଧେ

ଚଲାଇବା ପାଇଁ।

ସତରେ ! 

ଅର୍ଥ ପାଇଁ ସବୁ ହୋଇପାରେ

ସଂସାରର ଯେତେ ସବୁ ନାଟ 

ଗୋଟେ ରଙ୍ଗ ଆଉ ରସ

ଧନୀଙ୍କର ଆଖଡା଼

ପ୍ରେମ,ଧର୍ମ ଆଉ କର୍ମ।

ଆସନ୍ତୁ ତ 

ଭଡା଼ଘରକୁ ଭଲକି ସଜେଇବା

ଯେମିତି ସ୍ବର୍ଗର ନନ୍ଦନକାନନ

ମର୍ତ୍ତ୍ଯର ତାଜମହଲ ଅବା କୋଣାର୍କ ପରି।

ଆଜ୍ଞା ! 

ଦେଖିନାହିଁ ଯଦି ଥରେ ଦେଖିନିଅନ୍ତୁ

ରହିନାହିଁ ଯଦି ଥରେ ରହିଯାଆନ୍ତୁ

ମନ ଆଉ ହୃଦୟ ନାଚି ଉଠିବ 

ବିଲକୁଲ ଏ ଭଡାଘରେ 

ଯେଉଁଠି ପୃଥିବୀର ସବୁଯାକ ଦୃଶ୍ଯ ଝଲମଲ।