ଭଡା ଘର

ରେ ବାଇ ମନ କାହିଁ ହେଉ ମାୟାରେ ଲୀନ

ଯାହାକୁ ସତ ଭାବୁ ଅଛୁ ସେତ ମିଛ ସ୍ୱପ୍ନ

ପାଇଅଛୁ ତୁରେ ଏକ ଭଡା ଘର

ମା ଗର୍ଭରେ ଗାଢ଼ି ଛନ୍ତି ଈଶ୍ୱର

ପଞ୍ଚଭୂତରେ ଗଢ଼ା ତୋର ଭଡା ଘର

ଯାହାର ନାମ ହୋଇଛି ଶରୀର

ନିଜ ଘର କଥା ଭୁଲି ତୁ ଯାଇଛୁ

ବାଟବଣା ହୋଇ କେତେ ଭଡା ଘରେ ତୁ ରହିଛୁ

ତୋହର ସ୍ୱରୂପ ଅଟେ ନିର୍ଗୁଣ ନିରକାର

ଆତ୍ମା ହୋଇ ରହିଛୁ ତୋର ଭଡା ଘର

ତୋ ଭଡା ଘର ନୁହେଁ ସବୁ ଦିନର

ଦିନେ ଛାଡି ଚାଲି ଯିବୁ ତୋର ଭଡା ଘର

ପରମ ଧାମ ଅଟେ ତୋର ନିଜ ଘର

ହରି ନାମ ମୁକ୍ତି ପଥ ଯିବାକୁ ତୋ ଘର

ତୋ ଭଡା ଘର ଦିନେ ବିନାଶ ହୋଇବ

ବେଳ ଥାଉ ମୋହ ଛାଡ ଜ୍ଞାନ ତୋ ହୋଇବ

ଈଶ୍ୱର ତୋତେ ଭଡା ଘର ଦେଲେ

ପରମାତ୍ମା ଆତ୍ମାକୁ ସୃଷ୍ଟି କରିଥିଲେ

ଭଡା ଘରେ ଆତ୍ମା ହୋଇ ତୁହି ପଶିଥିଲୁ

ମିଛ ମାୟାକୁ ତୁ ନିଜର ଭାବିଲୁ

ଅତିଥି ହୋଇ ଆସି ଅଛୁ ମହୀରେ

ନିଜ ଅଭିନୟ ସାରି ଚାଲି ଯିବୁ ତୁହି ରେ

ଭଡା ଘର ପ୍ରତି ଆସକ୍ତି ନ ରଖିବୁ

ତୁରେ ଅମୃତ ସନ୍ତାନ ଈଶ୍ୱରଙ୍କ ଜାଣିବୁ

ଆସି ଅଛୁ ଏକା ଯିବୁ ଏକା ହୋଇରେ

ଭଡା ଘର ପ୍ରତି ମୋହ ରଖୁ କାହିଁ ପାଇଁରେ

ପରମାତ୍ମା ଙ୍କ ଠାରେ ଧ୍ୟାନ ରଖି ଥିବୁ

ଭଡା ଘର ଛାଡି ଦିନେ ପରମ ଧାମ କୁ ଯିବୁ