ଭାସ୍କର

ତୁମ ପାଇଁ ଏଠି  ହୁଏ ଦିନ-ରାତି

     ତୁମେ ସର୍ବ ଚରାଚ଼ର 

ସଂସାର ହିତରେ ଯୋଡ଼ି ରହିଅଛ 

    ଧନ୍ଯ ତୁମେ ହେ ଭାସ୍କର ।

ନିତ୍ଯ ପୂଜିତ ହେ ଚିର ବନ୍ଦନୀୟ

    ତୁମେ ପୁଣି ଅଂଶୁମାନ

ତୁମକୁ ପୂଜିଲେ ଦୂରେ ରୋଗବ୍ଯାଧି

     ହୁଏ ମନସ୍କାମ ପୂର୍ଣ୍ଣ ।

ଶୌର୍ଯ୍ୟ ବଳେ ପ୍ରଭୁ ତୁମେ ଅଦ୍ବିତୀୟ 

    ନାମ ବହିଅଛ ସୂର୍ଯ୍ଯ

ତେଣୁ ଏ ସଂସାରେ ନିତ୍ୟ ପ୍ରଭାତରେ

    ହୋଇଥାଅ ତୁମେ ପୂଜ୍ଯ ।

କି' ବର୍ଣ୍ଣିବି ପ୍ରଭୁ  ତୁମ୍ଭରି ମହିମା

    ଅଳପ ମୋହର ଜ୍ଞାନ

ଏତିକି ଗୁହାରି ବିପଦ ଆପଦେ

    ସାହା ହୁଅ ଭଗବାନ ।