ଭାସ୍କୋଡାଗାମା

ପିମ୍ପୁଡ଼ି ପରାୟେ ଖୋଜି ବୁଲୁଥିଲେ

ସାଗରେ ଚଳାଇ ପୋତ

କେଉଁ ଦିଗେ ଅଛି କେଉଁପରି ଦେଶ

ସ୍ବର୍ଣ୍ଣ ପ୍ରସୁ ସେ ଭାରତ l

ତେଜି ସ୍ତିରୀ ପୁତ୍ର କନ୍ୟା ଡାଲିଭାତ

ପିନ୍ଧି ଖଣ୍ଡେ ପାଇଜାମା

ଉତ୍ତମାଶା ଠାରେ ଆଶା ପାଇ ଧୀରେ

ଚାଲିଲେ ଭାସ୍କୋଡାଗାମା l

ଆରବ ସାଗରେ ବୋମ୍ବାଟିଆ କାଟି

ହଲି ଝୁଲି ହୁଲି ପୋତ

ଭାରତ ଭୂମିରେ ଶେଷେ ପାଦ ଦେଲେ

ନାମ ତାର କାଲିକଟ l

ପିମ୍ପୂଡ଼ିଏ ସିନା ଦଳବଦ୍ଧ ହୋଇ

ଖୋଜି ବୁଲିଥାନ୍ତି ଚିନି

ଭାସ୍କୋଡ଼ା ଭାରତେ ପାଇଲେ ମସଲା

ନାମ ତାର ଡାଲଚିନି l

ମସଲାର ସ୍ୱାଦ ପାଇ, 

ପଶ୍ଚିମି ଵଣିକେ ଭାରତ ଧାଇଁଲେ

ପାଗଳ ପରାୟ ହୋଇ

ବାଆ ଗିଳୁ ଗିଳୁ ବତା,

ଉପନିବେଶଟେ ଭାରତେ ଥାପିଲେ

ରାଜଧାନୀ କଲିକତା ।