ଭାଇ ମୋତେ ଅଭିମାନ କରିବନି

ଜନମି ଥିଲୁ ଭାଇ ଭଉଣୀ ଆମେ

ତଳ ଉପର ହୋଇ

କୋଟିଏ ଭିତରେ ଦେଖିଲି ଦିନେ

ଭାଇ ଯେ ତୁମେ ଦୁଇ

କାହିଁକି ଭାଇ ମନେ ପଡୁଛି ଆଜି

ମୋର ପୁରୁଣା ଦିନ

ଆଜି ମୋ ଦୁଇ ଭାଇ ମୋ ଦୁଇ ଆଖି

ରଖିଛ ମୋର ମାନ

ଜାଣିଛି ମୁହିଁ ଯେ ମୋ ଭାଇ ପରିକା

କିଏ ବା ଆଉ ଅଛି

ଆଜି ଝୁଣ୍ଟି ପଡ଼ିଲେ ଧରି ମୋ ହାତ

କେତେ ବାଟ ଚାଲିଛି

ପତର ଯେବେ ପଡେ ଭାଇ ଉପରେ

ପଥର ପଡେ ମୋତେ

ମୁଁ ଶୁଭ ମନାସେ ମୋ ଭାଇ ପାଇଁକି

ସଂଜ ସକାଳେ କେତେ

ଆମେ ଭାଇ ଭଉଣୀ ସ୍ନେହ ରଙ୍କୁଣୀ

ହେବାନି କେବେ ଦୂର

ମୋ ପାଇଁ ଥାଉ ସଦା ତୁମରି ଆଶିଷ

ଶ୍ରେଷ୍ଠ ପାଉଣା ମୋର

ମୋ ଭାଇ କେତେ ଯେ କରୁଥାଏ ଚିନ୍ତା

ମୋରି ଦେହ ପାଇଁ

ଗର୍ବ କରିବି ମରିଲା ଯାକେ ମୁଁ

ତୁମକୁ ପାଇ ଭାଇ

ଆଜି ଅଳି କରଇ ଦୀପ ଜଳାଇ

କାଳିଆ ପାଖେ ମୁହିଁ

ଦୀର୍ଘାୟୁ କର ମୋ ଦୁଇ ଭାଇ ଙ୍କୁ

ମୋ ଆୟୁଷ ନେଇ

ସେନେହ ସୂତା ର ମମତା ର ମାଳି

ବାନ୍ଧିନି ହାତେ ତୁମର

ହୃଦୟ ରେ ମୁହିଁ ଭଲ ପାଉ ଥାଏ

ସେହି ତ ସେନେହ ଡୋର

ମୋର ତୁମ ଛଡା କେହି ନାହାଁନ୍ତି ନିଜର

ମୋତେ ଭାଇ ଭୁଲିବନି

ବାନ୍ଧିନି ମୁଁ ରାକ୍ଷୀ ତୁମ ହାତେ ଭାଇ

ମୋତେ ଅଭିମାନ କରିବନି ।