ଭାବନା

ଭାବେ ମୁଁ ତୁମକୁ ଦିବାନିଶି କେତେ

ମୋ ମନ ରାଇଜେ ସତେ

କେତେବେଳେ ଥାଅ କେତେବେଳେ ଯାଅ

ଅହନିଶି ମୋ ହୃଦୟ ପଥେ I

ତୁମକୁ ସ୍ୱାଗତ କରୁଛି ଏ ମନ

ସୁଖେ ଦୁଃଖେ ଅବିରତେ

ଆନନ୍ଦ ଖୁସିରେ ଦୁଃଖ ଓ ଲୁହରେ

ଅନୁଭବେ ନିରନ୍ତର ଚିତେ I

ଭାବରୁ ଭାବନା ଭାବନରୁ ଭାବ

କବି ହୃଦୟରେ ସେ କବିତା

କଲମ ମୁନରେ ମାନସୀ ତରୁଣୀ

ନବ ବଧୂ ସାଜେ ଅପରାଜିତା I

ପ୍ରେମ ରାଇଜରେ ଅମୃତ ର ଧାରା

ମିଳାଏ ଆତ୍ମାର ଅମୃତ ସ୍ୱର

ଭାବନାରେ ରହି ଆତ୍ମ ବିହ୍ଵଳ ରେ

ଆତ୍ମହରା ହୁଏ ପ୍ରେମ ସମ୍ଭାର I

ଚିନ୍ତା ଓ ଚେତନା ମଧୁର ପରସ

ପ୍ରୀତିର ପୁଲକ ଆଣେ ହୃଦୟେ

ଭାବନାର ବୈଭବ ଚେତନାର ସୌଧ

ଗଢି ତୋଳେ ପ୍ରେମ ପାରାବାରେ I

କଳି ହୁଏନାହିଁ ଭାବନା ଭଣ୍ଡାର

ମିଳିଥାଏ ସଫଳ ବିଫଳ ଦୁଇ

ଭାବନା ସ୍ରୋତରେ ଭାସିବା ଆଗରୁ

ଭାବିନେବା ଉଚିତ ଧର୍ଯ୍ୟ ରେ ଥାଇ I