ଅଭିନନ୍ଦନ

ରାମ ମୟ ଦିସେ ଆଜି ଅଯୋଧ୍ୟା ନଗରୀ

ଯାଗ ଯଜ୍ଞ, ସାଜ ସଜ୍ଜା ତ୍ରିଭୁବନ ପୁରୀ

ନୃତ୍ୟ ଗୀତ ସସୁସ୍ୱରେ କମ୍ପୁଛି ଗଗନ

ଅଭିନନ୍ଦନ ଜଣାଏ ଦେଶ

ବିରାଜ ହୁଅ ପ୍ରଭୁ ତଵ ସିଂହାସନେ I

ଆଜି ଏ ଶୁଭ ଦିନ ମଙ୍ଗଳ ଲଗନ

ପ୍ରତୀକ୍ଷାରେ ପୁରିଛି ରହିଛି ସବୁରି ମନ 

ଭକ୍ତି ଫୁଲ, ପୁଲକିତ ପ୍ରାଣ ଶ୍ରଦ୍ଧାଶ୍ରୁ ରେ

ଧୋଇବେ ସର୍ବେ ତଵ ଶ୍ରୀଚରଣ I

ତୁମେ ପ୍ରଭୁ ମର୍ଯ୍ୟାଦା ପୁରୁଷ

ପିତୃସତ୍ୟେ ଗଲ ଚଉଦବର୍ଷ ବନବାସ

ଭାତୃ ପତ୍ନୀ ସାଥେ ତୁମ ଧର୍ମ ଉପାସନା

ଶାନ୍ତି ମୈତ୍ରୀର ଧ୍ୱଜ ତୁମେ କର

ନ୍ୟାୟ ଧର୍ମର ସଂସ୍ଥାପନା  I

ପାପ ପୂଣ୍ୟ,ଜୟ କ୍ଷୟ,ଧର୍ଯ୍ୟ ଶୌର୍ଯ୍ୟ ତୁମେ

ଯୁଗ ଯୁଗାନ୍ତର,ଓଁ କାର, ନିରାକାର ର 

ପ୍ରତିଧ୍ୱନି ପ୍ରଭୁ ତୁମେ  I

କରୁଣାର ବାରି ତୁମେ ପ୍ରେମଶ୍ରଦ୍ଧାର

ତଟିନୀ, ଆସ ଆସ ରାମ ଆଜି

କର ଗ୍ରହଣ ଅଯୋଧ୍ୟା ମେଦିନୀ I

ପାଞ୍ଚଶତ ବର୍ଷ ପରେ ଆଜି ହସୁଛି ଅଯୋଧ୍ୟାନଗରୀ

ପୁଣି ଲାଗେ ଆଜି ହୋଲି

ଦୀପାବଳୀ ସୁନ୍ଦର ସୁଗନ୍ଧ ସଜଦାର ଚହଲି I 

କାମନା ବାସନାର ମୋହ ନ ରହୁ ଜଗତେ

ପୁଣି ଥରେ ଫେରି ଆସୁ ରାମ ରାଜ୍ୟ

ଶାନ୍ତି, ମୈତ୍ରୀ ର ଜ୍ୟୋତି ସାଥେ 

ସ୍ମୃତି ସତ୍ୟ ଆଜି ଏ ମରତେ  I 

ଆରତୀ ନୈବେଦ୍ୟ ଢାଳେ ଏ ଜଗତ

ଘେନା କର ହେ ମହା ପୁରୁଷ

ଭକ୍ତି ପ୍ରୀତି, ସତ୍ୟ ନିଷ୍ଠା, ସଦାଚାର

ଅଯୋଧ୍ୟା ଜଗତେ ଢାଳି ଦିଅ ତଵ ଆଶିଷ I