ଭାବ ବ୍ୟଞ୍ଜନ

ଜିଭ ଜୀବର କାମନା ବାସନାରେ

ଲାଳାୟିତ ସବୁ ଇଚ୍ଛାକୁ

ନିଇତି ନୂଆ ରଙ୍ଗର ପୋଷାକ ପରିଧାନ କରେ ସ୍ୱାଦ କଣିକା..

ନିବିଡ ସମ୍ପର୍କର ତିଅଣ ରାନ୍ଧୁ ରାନ୍ଧୁ

ପରିପାକକୁ ଦେହର ଉଷୁମ ନିଆଁରେ

ଘାଣ୍ଟୁ ଥାଏ ମନ ଲାଖି ସୁଆଦ...

ରାଗ ରୁଷା,ମାନ ଅଭିମାନ,ପ୍ରେମ ଘୃଣାର

ମସଲା କେବେ କେବେ ଅଧିକ ହୁଏ

ଆଉ କେବେ କମ୍ ବି ହେଇଯାଏ l

ତଥାପି ଅବୁଝା ମନକୁ ବୁଝାଇ ଦିଏ

ଆପଣାର ଲାଗୁଥିବା

ଲବଣ ଯୁକ୍ତା ଆତ୍ମୀୟ ସତ୍ତା..

ଯା ବିନା ପରିଶେଷରେ

ପରିପାକ ହୁଏ ପରିପୂର୍ଣ୍ଣତା

ନିବିଡ ବନ୍ଧନର ଭାବ ବ୍ୟଞ୍ଜନ ଗୀତା l