ଭାବ ଭଜନ - ୧
ଭାବ ଭଜନ - ୧
ଆସିଛି ମୁଁ ଧାଇଁ ତୋର ପାଦ ଚାହିଁ
ସତେକି ଏ ଭାଗ୍ୟ ମିଳିବ
ତୋର ପାଦ ପଦ୍ମ ରେଣୁ ଲାଭ କରି
ଏ ଜୀବ ମୋ ତରି ଯିଇବ ।
ତୁ ପରା ଅନାଥ ନାଥ ବୋଲି ତାତ
ନେତ ଉଢ଼େ ଫର ଫଅର
ମୁହିଁ ତ ଅନାଥ ତୁହି ମୋର ନାଥ
ତୋ ବିନା କେ ମୋର ନିଜର ।
ତାରିଲେ ତାରିବୁ ମାରିଲେ ମାରିବୁ
ଯାହା ଇଛା ହେବ ତୋହର
ମୁଁ କିଂକର ତୋର ତୁହି ମୋ ମୁନିବ
ତୋ ବିନା ଶୂନ୍ୟ ମୋ ସଂସାର ।
ଆସିଛି ମୁଁ ଧାଇଁ ତୋର ପାଦ ଚାହିଁ
ସତେକିଏ ଭାଗ୍ୟ ମିଳିବ
ତୋର ପାଦ ପଦ୍ମ ରେଣୁ ଲାଭ କରି
ଏ ଜୀବ ମୋ ତରି ଯିଇବ ।
ଶୂନ୍ୟ ନିରାକାର ଅଚିନ୍ତ୍ୟ ଆକାର
ଆହେ ଶ୍ରୀ ବ୍ରହ୍ମାଣ୍ଡ ଗୋସାଇଁ
ପାଦ ପାଣି ତୋର ସହସ୍ର ଯୋଜନ
ନୟନ ବ୍ରହ୍ମାଣ୍ଡ ଦେଖଇ ।
ଏ ପାପି ନୟନ ପାରିବ କି ଜାଣି
ଆଦ୍ୟ କାହିଁ ପ୍ରାନ୍ତ ତୋହର
ତୁହି ନ ଚାହିଁଲେ କିବା ଶକ୍ତି ଅଛି
ଏ ଛାର କିଂକରେ ତାହାର ।
କରହେ ଅଭୟ କର ବର ଦାନ
ଦୁଃଖି ଜନନ୍ତାଙ୍କ ବିଭବ
ତୁହି ଜଗନ୍ନାଥ ଜଗତର ନାଥ
ତୋ ବିନା ଆଉ କେ ଦେଏବ ।
ଆସିଛି ମୁଁ ଧାଇଁ ତୋର ପାଦ ଚାହିଁ
ସତେକି ଏ ଭାଗ୍ୟ ମିଳିବ
ତୋର ପାଦପଦ୍ମ ରେଣୁ ଲାଭ କରି
ଏ ଜୀବ ମୋ ତରି ଜୀଇବ ।