ବଡଦିନ

ବଡଦିନ ଆସିଛି 

    ଧରା ଆଜି ନାଚୁଛି

କଅଁଳ ଶିଶୁର ଓଠେ

      ହସ ଆଜି ଖେଳୁଛି ।

ଡିସେମ୍ବର ପଚିଶି

    କୁଆଁ କୁଆଁ ଶୁଭୁଛି

ଯୀଶୁଖ୍ରୀଷ୍ଟ ଜନମିବେ

      ପାପ ଦୂରେ ଯାଉଛି ।

ଘର ଦେବା ସଜାଇ

    ଫୁଲ ଦେବା ବିଛାଇ

ମାଆ ମେରୀଙ୍କ କୋଳରେ

       ପ୍ରଭୁ ଥିବେ ଅନାଇ ।

ସାନ୍ତାକ୍ରୁଜ ଆସିବେ

   ଉପହାର ଆଣିବେ

ବରଷର ଶେଷେ ପୁଣି

      ଶୁଭାଶିଷ ବାଣ୍ଟିବେ ।

ବଡଦିନ ଗଛରେ

     ତାରାଫୁଲ ଶୋହେରେ

ରଙ୍ଗ ରୋଷଣୀରେ ଫାଟେ

         ଆଜି ଏହି ମହୀରେ ।

ନୂଆ ଜାମା ପିନ୍ଧିବା

     ହସ ମଜା କରିବା

ଦୀନ ଦୁଃଖୀ ଦେଖି ଆମେ

         ଦାନ ଧର୍ମ କରିବା ।

ରାଗ ହିଂସା ଭୁଲିବା

     ଭଲକାମ କରିବା

ମଣିଷର ହୂଦୟରେ

       ଜାଗାଟିଏ ତୋଳିବା ।

ସବୁ ଧର୍ମ ଏକରେ

     ସତ୍ୟ ସିନା ଏହିରେ

ମଣିଷକୁ ଭଲ ପାଅ

       ବଡଦିନ କହେରେ ।