ବାରମାସୀ ଜଗନ୍ନାଥ
ବାରମାସୀ ଜଗନ୍ନାଥ
କିଏ ଶରଧାରେ ଡାକୁଛି କାଳିଆ କିଏ ଜଗା ଡାକିଦିଏ,
ଯିଏ ଯେଉଁ ନାମ ଧରି ଡାକୁଥାଏ ସବୁ ଶୁଣି ହସୁଥାଏ |(ଘୋଷା)
ବୈଶାଖ ମାସରେ ଶ୍ରୀମଧୁସୂଦନ ଜ୍ୟେଷ୍ଠ ମାସେ ତ୍ରିବିକ୍ରମ,
ଆଷାଢ ମାସରେ ରଥଯାତ୍ରା ବେଳେ ତାଙ୍କ ନାମଟି ବାମନ |
ଶ୍ରାବଣ ମାସରେ ଶ୍ରୀଧର ନାମଟି ସ୍ମରଣରେ ପାପଯାଏ |(1)
ଭାଦ୍ରବ ମାସରେ ନାମ ହୃଷୀକେଶ ଶ୍ରାବଣରେ ପଦ୍ମନାଭ,
କାର୍ତ୍ତିକ ମାସରେ ନାମ ଦାମୋଦର ମାର୍ଗଶିରରେ କେଶବ |
ପୌଷ ମାସରେ ନାରାୟଣ ନାମ ଶଙ୍ଖ ଚକ୍ର ଶୋଭାପାଏ |(2)
ମାଘମାସରେ ସେ ମାଧବ ହୁଅନ୍ତି ଫଗୁଣରେ ସେ ଗୋବିନ୍ଦ,
ଚୈତ୍ର ମାସରେ ବିଷନ୍ନୁ ତାଙ୍କ ନାମ ହୃଦୟେ ଦିଏ ଆନନ୍ଦ |
ବାରମାସେ ବାର ନାମ ବଦଳାନ୍ତି ଜଗନ୍ନାଥ ପରା ସିଏ |(3)