ବାପାଙ୍କ ପାଇଁ ପଦେ

ମୁଁ ଯେତେବେଳେ ଶୋଇପଡ଼େ, 

ଚୁପକି ଆସି,ମୁଣ୍ଡରେ ହାତ ବୁଲେଇ

ଆଶିଷ ଦିଅନ୍ତି...... ମୋ ବାପା ।

ସକାଳୁ ଉଠି ଭାଙ୍ଗେ.....

ମୁଁ ଯେବେ ଅଳସ, 

ଥକାପଣ କୁ ଭୁଲି, କର୍ମକ୍ଷେତ୍ର କୁ, 

ପୁଣି ବାହାରି ଯାଆନ୍ତି... ମୋ ବାପା ।

ନିଜେ ଖରାରେ ରହି

ମୋତେ ଛାଇ ଦେଲେ... ମୋ ବାପା ।

ସ୍ବପ୍ନ ଦେଖେ ଯାହା ମୁଁ

ପୁରା କରିବାରେ.... 

ସାହାଯ୍ୟ କରନ୍ତି...ମୋ ବାପା 

ମୁଁ ତ ମୋ ଖୁସିରେ ହସେ

ହେଲେ ମୋ ହସରେ

 ଯିଏ ଖୁସି ହୁଅନ୍ତି

ସେ ହେଲେ, ମୋ ବାପା ।

ନିଜେ ଭୋକରେ ରହି... 

ମୋ ପେଟ ପୁରା କରନ୍ତି,ମୋ ବାପା ।

ଅସୁବିଧା ଆସିବା ପୂର୍ବରୁ.... 

ସବୁ ସୁବିଧା କରିଦିଅନ୍ତି, ମୋ ବାପା ।

ମୋତେ ମଣିଷ କରିବାକୁ ଯାଇ

ନିଜ ଖୁସିର ଜଳାଞ୍ଜଳି ଦେଲେ

ସେ ହେଉଛନ୍ତି, ମୋ ବାପା ।

ସମସ୍ତଙ୍କ ଠୁ ବେଶି ସ୍ନେହ କରି ବି... 

ଯିଏ କୁହନ୍ତିନି କେବେ

ସେ ମୋ ବାପା ।

ତାଙ୍କ ସ୍ନେହ, ପ୍ରେମ ଆଗରେ

ଶବ୍ଦ ସବୁ ଅନେକ ଛୋଟ ।

ତାଙ୍କ ପଦ ଯୁଗଳ ରେ... 

କୋଟି କୋଟି ପ୍ରଣାମ ।

ତାଙ୍କ ପ୍ରେମ ନିକଟରେ

ଚିର ଋଣୀ ସଦା, 

ଚିର ଋଣୀ ସଦା ।