ବାକ୍ୟ ଦେବୀ ନମସ୍ତୁତେ
ବାକ୍ୟ ଦେବୀ ନମସ୍ତୁତେ
o ବାକ୍ୟ ଦେବୀ ନମସ୍ତୁତେ
• କବିଶ୍ରୀ ପ୍ରଫୁଲ୍ଲ ଚନ୍ଦ୍ର ମିଶ୍ର , ମଙ୍ଗଳାଯୋଡି , ଖୋର୍ଦ୍ଧା
• ---------- -------------------- ----------
• ସ୍ଵାଗତ ବନ୍ଦନା ଗୀତ ପ୍ରକୃତି ହୋଇ ମୋହିତ
• ପଞ୍ଚମ ତାନରେ ପରଭୃତ ସ୍ଵରେ କରେ ଧରା ନିନାଦିତ
• ହୋଇଉଠେ ଗୁଞ୍ଜରିତ ଭ୍ରମର ଗୁଞ୍ଜନ ଶବ୍ଦ
• ଶୁଭ୍ରବୀଣା ସ୍ଵର ବାଜିଉଠିଲାକି ଏମାନ ହୁଏ ପ୍ରତିତ
• ମାଘ ଶୁକ୍ଳ ପଞ୍ଚମୀ ରେ ବିଜେ କରିବେ ମହୀରେ
• ବୀଣାପାଣି ନୀରା-ଜନା ପାଇଁ ଜନ ଜୀବନ ହୁଏ ପ୍ରସ୍ତୁତ ।।
• ଶୀତଳ ଚୋରା ବସନ୍ତ ହୋଇଆସେ ପ୍ରବାହିତ
• ଦୂର୍ବାଦଳ ଶିରେ ଶୀତ ସିକ୍ତ ଜଳ ମୁକ୍ତା ପରାୟ ଶୋଭିତ
• ଦିଗପାଳ ମାନ ମିଳି ହାତରେ ମୁକୁତା ମାଳି
• ସତେ ଭଗବତୀ ଗଳାରେ ଲମ୍ବାଇ କରୁଅଛନ୍ତି ସ୍ଵାଗତ
• ବସନ୍ତ ପଞ୍ଚମୀ ତିଥି ଆସ ଆସ ମହାଦେବୀ
• ଏ ଘୋର ଅଜ୍ଞାନ ଅନ୍ଧାର କାଳେ ଜାଳି ଦେଇ ଜ୍ଞାନଦୀପ ।।
• ଶୁଭ୍ର ରଜତ ବରନା ଶ୍ଵେତ ପୁଷ୍ପ ପଦ୍ମାସନା
• ଶ୍ଵେତ ହଂସ ରୁଢା ବିଦ୍ୟାପ୍ରଦିୟିନୀ ବିଷ୍ଣୁ ପାଟରାଣୀ ମାତ
• ଶ୍ଵେତାମ୍ଵର ପରିହିତ ବୀଣା ପୁସ୍ତକ ଶୋଭିତ
• ଦେବୀ ବାଣୀ ,ବୀଣାପାଣି ସରସ୍ଵତୀ ତୋ ପଦେ ଚିର ଆଶ୍ରିତ
• ପ୍ରଫୁଲ୍ଲ ଶୁଭ୍ର ଫୁଲରେ ବନ୍ଦେ ସେ ପଦ୍ମ ପୟରେ
• ଜ୍ଞାନଦାତ୍ରୀ ମହାମାୟୀ ଶାରଦେ ବାରେ ଦୟାକର ଜଗନ୍ମାତ ।।