ବାଜେ

       ବାଚିକ,କାଗଜ, ବାର୍ତ୍ତାବହ, ଜରା

     କେବେ କି ନିକୃଷ୍ଟ ହୋଇବ,

     ବାୟୁଭୁକ, ବାଳ, ବିଦୂଷୀ, ବିପ୍ରଙ୍କୁ

     ଜନତା କି ବାଜେ ମଣିବ । [୧]

     ସର୍ବପ୍ରିୟ, ବେଲ, ସର୍ଜରସ, ବାରି

     ପ୍ରଭୁଙ୍କ କର୍ମରେ ଲାଗିବ,

     ସାରମେୟ, ମେଷ, ଇନ୍ଦୁର, କାଉକୁ

     କୁହ କେବେ ତୁଚ୍ଛ କହିବ । [୨]

     ଷଡରିପୁ, ଗର୍ବ, ତଞ୍ଚକତା, ଦାଉ

     ମନୁଷ୍ଯକୁ ତୁଚ୍ଛ କରିଛି,

     ଦ୍ଯୁତ- କୁପ୍ରକୃତି ମନୁଜ ଜାତିକୁ

     ନିକୃଷ୍ଟ କରିଣ ରଖିଛି । [୩]

     ନିଷ୍ପାପ, ନୀତିଜ୍ଞ, ନିବାଜ୍ଯ ଜନକୁ

     ବାଜେ ବୋଲି କିଏ କହିବ,

     ପ୍ରବୀଣ ଜନକୁ ଅପାଠ୍ଯ କହିଲେ

     ଦୁନିଆ ନିଶ୍ଚିତ ହସିବ । [୪]

     ଅଭାଗା, ଅବୋଧ, ଅସଭ୍ଯ, ଅଖ୍ଯାତି

     ଜନ ମର୍ତ୍ତ୍ଯେ ଭରି ଅଛନ୍ତି,

     ରାକ୍ଷସସମାନ କଳୁଷ ନରକୁ

     ସର୍ବେ ବାଜେ ବୋଲି କହନ୍ତି । [୫]