ବାହାଘର

ବାହାଘର ଋତୁ ଏବେ ବାହାଘର ଆସିଲା,

ବାହାଘର ପାଇଁ ଘର ସଜାସଜି ହୋଇଲା |

ବଜାରରୁ ଧୁମ୍ ଧାମ୍ କିଣାକିଣି ଚାଲିଲା,

ଦୋକାନୀଙ୍କ କଚେପୁଅ ବେପାରଟା ଜମିଲା |

ବନ୍ଧୁବାନ୍ଧବଙ୍କ ଖୁସି ଭଲ ଭୋଜି ହୋଇବ,

ସାଙ୍ଗସାଥୀ ଭାରିଖୁସି ନାଚପୁରା ଜମିବ |

ଲାଇଟ୍,ଡି.ଜେ ପାଇଁକି ହୋଇଗଲା ଅର୍ଡର,

ହେଲେ କରୋନା ସବୁକୁ କରିଦେଲା ମର୍ଡର |

ଗହଳି ପାଇଁ କି ଏବେ ବଢ଼ିଯାଏ କରୋନା,

ଅବେଳରେ ଝରିଯାଏ ଜୀବନର ଝରଣା |

ସେଥିପାଇଁ ସବୁଆଡେ କଟକଣା ହୋଇଛି,

ଭୋଜି,ନାଚବନ୍ଦକରି ବାହାଘର ଚାଲୁଛି |

ଯେତେକମ୍ ଲୋକନେଇ ବାହାଘର କରିବ,

ସମସ୍ତଙ୍କପାଇଁ ତାହା ଶୁଭଙ୍କର ହୋଇବ |

ବାହାଘର ପରେ ଏବେ ଘଟୁଛି ଯେ ଘଟଣା,

ଶୁଣୁଶୁଣୁ ଛାତିଥରେ କହି ତାହା ହୁଏନା |

ବାହାଘର ପୂର୍ବୁ ରକ୍ତ କରିଦେଲେ ଟେଷ୍ଟେ,

ବରକନ୍ୟାଙ୍କ ପାଇଁକି ହେବ ନିଶ୍ଚେ ବେଷ୍ଟେ |

ନିୟମ ନମାନି ଯିଏ ବାହାଘର କରୁଛି,

ଅକାରଣେ ସରକାରଙ୍କୁ ତଣ୍ଡ ସିଏ ଗଣୁଛି |

ଏସବୁକୁମାନି ତୁମେ ବାହାଘର କରିବ,

କରୋନାଟା ଗଲେ ପଛେ ଭୋଜିଭାତ ଜମିବ