ବାଘ ମାମୁଁ

ବାଘ ମାମୁଁ ହେ ବାଘ ମାମୁଁ

   ବଣରେ ବୁଲୁଅଛ ।

ବଣର ରାଜା କେତେ ପରଜା

  ସାଙ୍ଗରେ ରଖିଅଛ ।।

ହରିଣ ସିଂହ ଭାଲୁ ଠେକୁଆ

  ପରଜା ଜାତି ଜାତି ।

କାହାରି ସାଥେ ଶତୃତା ନାହିଁ

  ଖେଳ,ଖେଳାଅ ନିତି ।।

ମିଛୁଆ ଲୋକ କହି ବୁଲନ୍ତି

  ତୁମେ କୁଆଡେ ହିଂସ୍ର ।

ମୋ'ପାଇଁ ତୁମେ ପରମ ମିତ୍ର

 କୋଟି କୋଟି ନମସ୍ୟ ।।

ମଣିଷ ଭାଇ ନିର୍ମମ ହୋଇ

  ଗଛକୁ ହାଣିଦିଏ ।

ଜଙ୍ଗଲ ସଫା ଏକ ତରଫା

  ଭାବରେ କରିଦିଏ ।।

ଜଙ୍ଗଲଜାତ ଔଷଧି ଗୁଣ

  ତୁମ ନଜରେ ଥାଇ ।

ଜଙ୍ଗଲେ ରହି ସେଇ ସବୁକୁ

  ଜଗିଛ ଦ୍ଵାରି ହୋଇ ।।

ମାମୁଁ ହୁଅ କି ମାଉସୀ ହୁଅ

  ମୋ ମିତ,ପ୍ରିୟ ବନ୍ଧୁ ।

ଦୂରରେ ଥାଇ ପ୍ରଣାମ କରେ

  ଦିଅ ହେ ସ୍ନେହ ସିନ୍ଧୁ ।।

ହସି ହସିବା ଖେଳି ଖେଳିବା

  ସେନେହ ମମତାରେ ।

ତୁମରି ସାଥେ ନୂଆ ରାଇଜ

   ରଚିବି ସପନରେ ।।