ବାଡ଼ି ବୋଲି ନାହିଁ ଗୋବେ

ବାଡ଼ି ବୋଲି ନାହିଁ ଗୋବେ

କଥାର ବାଟୁଳି ଏମିତି ଵାଜୁଛି

ଭଡ଼ା ମିଳେ ଲକ୍ଷେ ନବେ !

ମାଛି ବୁଲେ ଘର କୋଣ

ଏସି ଲାଗିଅଛି ଚାତର ବାହାରେ

ଅନ୍ଧ ଦେଖା ଦରପଣ !

ଧାନ ପୋଷେ ନାହିଁ ଘର

ଦଶ ବାଟି ବିଲ ଚାଷ କରୁଥିଲେ

ପାଣି ପକା ଯାହା ସର !

ତୁଛା ଖଟ ସଜ ଗେଲ

ଖଟ ବୋଲି ଯାହା ଢାବଲ ଦି'ଖଣ୍ଡ

ଫୁଲ ଶେଯ ଆହା ମୂଲ !

ବାବୁ ଠାଣି ଜାମାଯୋଡ଼

କଥା ଲହସରେ ସରଗ କିଣିକି

ଖାଇଥିଲେ ଛେନାପୋଡ଼ !

ବାରବୁଲା ଅନ୍ଦି କନ୍ଦି

ଟିକିଏ ମଉକା ପାଇଲେ ସତରେ

ପବନକୁ ଦେବେ ଫାନ୍ଦି !

ଆଖି କିବା କାଚ ବାଟି

ଭଲ ଗୁଣ ଦେଖି ଇର୍ଷା କାଳେ ହୁଏ

ବେକ ଅବା ଦେବେ କାଟି !