ଅସଲି କଳାକାର୍ କିଏ

ଛୋଟ ନୁ ବଡ୍ ବଡ୍ ହେବାର୍ ଯାଏଁ

ମାଆ,ବୁଆ,ତାର୍ ଛୁଆ ,ପୁତା କେ ପୁସି ଛେ 

ବଡ୍ ହେଲା ପରେ ସେ ଛୁଆ,ପୁତା

ମା'ବୁଆ କେ ଭୂଲି ଯାଉଛେ

ତାହେଲେ ଅସଲି କଳାକାର୍ କିଏ ?

ପଥର୍ ଗୁଟେ କେ ମୃତ୍ତି କରି

କଲାକାର୍ ବଢେଇ

କେତେ ସୁନ୍ଦର୍ ସଜେଇ ଛେ

ସେ ମୃତ୍ତି ମନ୍ଦିର୍ କେ ଗଲେ

ଭଗବାନ୍ ରର ନା ପାଉଛେ

ତାହେଲେ ଅସଲି କଳାକାର୍ କିଏ ?

 

କାମ୍ କରି କରି ମିଷ୍ଟ୍ରି କଲାକାର୍  

କେଡେ କେଡେ ଘର୍ ବନେଇ ଛେ

ସେ ଘର୍ ବନେଇ ସାଏଲା ପରେ

ସେ ଘରେ ପାଏନ୍ ଟିକେ ନାଇଁ ମିଲୁଛେ 

ତାହେଲେ ଅସଲି କଳାକାର୍ କିଏ ?

ଶ୍ରମିକ୍ କଲାକାର୍ ଫେକ୍'ଟିରିରେ କାମ୍ କରି

ମାଲିକ୍ କେ କେତେ ପଏସା ଦେଇଛେ

ଶ୍ରମିକର୍ ଦୁଃଖ ବିପଦ୍ ପଡେଲେ

ମାଲିକ୍ କାମନୁ ତାହାକେ ଖେଦି ଦେଉଛେ 

ତାହେଲେ ଅସଲି କଳାକାର୍ କିଏ ?

ସେନା କଲକାର୍ ଆମର୍ ବୁଡର୍ ଥି 

କେତେ ମେହେନତ୍ କରୁ ଯୁଦ୍ଧ ଜିତୁଛନ୍ 

ଯୁଦ୍ଧ ଜିତି ସାଏଲା ପରେ ଲୋକ ମାନେ

ସରକାର୍ କେ ବାହା ବାହି କରୁଛନ୍ 

ତାହେଲେ ଅସଲି କଳାକାର୍ କିଏ ? 

ମାଷ୍ଟର୍ କଲାକାର୍ ପିଲା ଟୁକେଲ ମାନକୁ

ପଢେଇ କରି ଦେଇଛେ କେତେ ଞାନ୍

ଚାକିରି ଗୁଟେ ପାଏଲା ପରେ ପିଲା ଟୁକେଲ୍

ଦେଖିକରି ହେଇଁ ଯାଉଛନ୍ ଅଜ୍ଞାନ୍ 

ତାହେଲେ ଅସଲି କଳାକାର୍ କିଏ ? 

ମାଲି କଲାକାର୍ ସୁନ୍ଦର କରି 

ଗଛ୍ କେ ଯତନ୍ କରିଥିସି

ସେ ଗଛେ ଫଲ୍, ମୁଲ୍ ହେଲାପରେ

ମାଲିକର୍ ହେଇଁ ଯାଏସି  

ତାହେଲେ ଅସଲି କଳାକାର୍ କିଏ ?