ଅଫୁଟା ଫୁଲ************

 

ଆଜି ସିନା  ଅଛି ଅଫୁଟା ଫୁଲ  

କାଲି ଫୁଟି ମନ ନେବି ଯେ ମୋହି

ଭରି ଦେବି ତୁମ ମନେ ହରସ ।

 ନାନା ଜାତିର ଫୁଲଙ୍କ ମେଳେ

ପ୍ରଜାପତି ପରା ଆନନ୍ଦେ ଖେଳେ

 ଟିକି ଡେଣାଟିକୁ ହଲେଇ ଦେଇ ।

 ତାକୁ ଦେଖି ଆନନ୍ଦ ବିଭୋର ମନେ

ଭାସିବ  ମିଠା ସପନ ଯେତେ

 ରଂଗ ବେରଙ୍ଗ ଇନ୍ଦ୍ରଧନୁ ହସିବ ।

ମୋ ରୂପ ରଙ୍ଗେ ହସେ ଅଗଣା

ଭୁଲି ଯିବ ଯେତେ ଦୁଃଖ ଯାତନା

ମନୁ  ହଜି ଯିବ ଗର୍ବ ଛଳନା ।

 କ୍ଷଣିକ ପାଇଁ ଖୁସି ବାଣ୍ଟି ଦେଇ

ଝଡିଯାଏ ମନ ଆନନ୍ଦେ ମୁହିଁ

ଅଭିମାନ କିଛି ମୋ ମନେ ନାହିଁ।

ଜାଣେନି ମୁହିଁ ଫୁଟି ଗଲା ପରେ

ଯିବି ଦେବାଳୟ, କି ଶବା ଧାର

କିବା ଅଛି ଅବା ଭାଗ୍ୟ ଲିଖନ?

 ବିଧିର ବିଧାନ, କର୍ମ ଫଳ ସିନା

ଭୋଗିବାକୁ ଅଛି  ନିଶ୍ଚେ ଭୋଗିବି

ଅଳପ ଆୟୁଷେ ମହକ ବିତରି ଜନ ମନ ତୋଷି ଯିବି।