ଅଫେରା ପଥ...
ଅଫେରା ପଥ...
1 min
432
ପାବଛ ଧୂଳି
ମଥାରେ ମାରି
ଘୂରିଲି ତୋର ମନ୍ଦିର ବେଢ଼ା
ଆନନ୍ଦ ମନେ
ଅତି ଯତନେ
ଆନନ ତୋଳି ଚାହିଁଲି ଚୁଡ଼ା
ତୋ ଦେଉଳ ବେଢ଼ା
ତୋ ମନ୍ଦିର ଚୁଡ଼ା
ଲାଗେ ସରଗ ସମ ନିତ୍ୟ ସୁଖ ପସରା
ଆହେ ରଙ୍ଗା ଅଧର
ଘନ କଳା ଭଅଁର
ହୃଦ ନରମିଗଲା ଦେଖି ଶ୍ରୀମୁଖ ତୋରା
ମନରେ ଖେଳେ
ରୂପଟି ତୋର
ଦରୋଟି ହସେ ଲୋଭାଉ ପରା
ଅଭୟ ହସ୍ତେ
ଆଶିଷ ଦେଇ
ନିବାରୁ ଭୟ ମୃତ୍ୟୁ ଓ ଜରା
ତୋର ଅଭୟ ହସ୍ତ
ତୋର ଦରୋଟି ହସ
ଆଉ ଜୀବନେ ଆନ କିଛି ହେବ କି ଲୋଡ଼ା?
ମତି ପୟରେ ତୋର
ସଦା ଥାଉ ସୁନ୍ଦର
ଆତ୍ମା ଚାଲୁଥାଉ ତୋ ସଙ୍ଗତେ ପଥ ଅଫେରା
ଟି.ଦୁର୍ଗା ପ୍ରସାଦ ରାଓ