ଅନୁତାପ
ଅନୁତାପ
ବାପା!
ଏ ନାମଟା ଆଉ ଲୋକଟା
ଦିଟା ଯାକ ଆଯିକାଲି ଚାଲୁନି।
ବାପା !
ବୟସ୍କ ବୁଢା ଲୋକଟା
କେହି ଆପଣେଇ ପାରେନି।
ବାପା !
କାମ କରା ଲୋକଟା
କାମ ଧନ୍ଧା କରି ପାରୁନି ।
ବାପା!
ମଫସଲିଆ ଲୋକଟା
ଆଧୁନିକତାକୁ ବୁଝେନି।
ବାପା!
ବେରସିକିଆ ଲୋକଟା
କାହାକୁ ୱିସ୍ କରି ପାରେନି ।
ବାପା!
ଖାଣ୍ଟି ଗାଁ ନାଲି ଚୁଡା ଟା
ଫାଦର୍ସ ଡେ କଣ ଯାଣିନି।
ବାପା!
ଚମଧୁଡୁଧୁଡୁ ଦେହଟା
ସାମ୍ପୋ ସାବୁନ୍ ମାଖିନି।
ବାପା!
ଭାଈ ଭାଗର ଲୋକଟା
କାପାଖେ ଦିନଟେ ଅଧିକା କାଟିନି।
ବାପା!
ଛ ନମ୍ବର ରୋଗୀ ଟା
କେତେ ପୁଅ ଝିଅ ତାର କହୁନି।
ବାପା!
ବୃଦ୍ଧା ଶ୍ରମ ର ଏ ଲୋକଟା
ଘର ଠିକଣା ତା କହୁନି।
ବାପା!
ଆଦ୍ୟ ସଂପର୍କିତ ଲୋକଟା
ଡାକିଲେ ବି ଆଉ ଶୁଣୁନି।
ବାପା!
ଦଣ୍ଡ ଦେବାର ଲୋକଟା
ଆଉ ଅନୁତାପରେ ମତେ ଜାଳନି।
ବାପା!
କ୍ଷମା ଦେବାର ଲୋକଟା
ଏଜନ୍ମରେ ଆଉ ମିଳେନି।