ଅନୁଭୂତିର ସ୍ୱାଦ

ପିତୃ ପିତା ମହ ମାତୃ ମାତା ମହ

ଚିର ନମସ୍ୟ ମୋର

ତାଙ୍କରି ଆଶିଶେ ପୁଷ୍ପର ସୁବାସେ

ଆରମ୍ଭ ମୋ ଜୀବନ

ଜେଜେ ବାପାଙ୍କ ସ୍ନେହ ବସରିଆ

କୁନି ନାତୁଣୀ ପରା

ଟିକି ପାଦ ମୋର ତଳେ ନଲଗେଇ

କାନ୍ଧ ରେ ବୁଲାନ୍ତି ମେଳା

ତାଙ୍କ ରାମାୟଣ ମହାଭାରତ ଜ୍ଞାନ

ରାତି ନିଦର ମୋ ବଡ ଔଷଧ

ତାଙ୍କ ଗୀତା ଜ୍ଞାନ ତାଙ୍କ ପୂଜା ପାଠ

ଶିଖାଏ ଆଚାର ସଂସ୍କାର

ବୋଉ ମାରେ ମୋତେ ଦୁଷ୍ଟାମୀ ପାଇଁ

ଜେଜେ ଶୁଅନ୍ତି ଅଭିମାନେ କିଛି ନ ଖାଇ

ସୁନା ଡାକ ତାଙ୍କ ସତେ ହୃଦୟ ସ୍ପର୍ଶି

ନିଜେ ଚାଲି ଗଲେ ସେ ନା କୁ ନେଇ

ଜେଜେ ମାର ଗେଲ୍ହା ମାଣିକ ମୁଁ

ଖୋଜେ ଦିନ ରାତି ତା ପଣତ କାନିକୁ

ଜେଜେଙ୍କ ବଙ୍କୁଲି ବାଡ଼ି ଜେଜେ ମା ପାନ ବଟୁଆକୁ

ଖୋଜି ପାଉନି ଆଉ ମୁଁ

ବାପା ଙ୍କ ପାଗେଳୀ ବୋଉ ର ବାୟାଣୀ

କାକୁ ଙ୍କ ବିଲେଇ ଭାଇ ର ମୁଁ ସୁନା ଭଉଣୀ

ଆଦେଶ ଉପଦେଶ ଜୀବନ୍ତ ବାଣୀ

ଶିଖାନ୍ତି ପାଖେ ବସେଇ ତାଙ୍କ ଅଭିଜ୍ଞତା ରୁ ଆଣି

କେତେ ସ୍ନେହ ଶ୍ରଦ୍ଧା ଅଜାଡି ପଡୁଛି

ସତେ କି ଘରର ଲଷ୍ମୀ ପ୍ରତିମା

ଜୀବନ ନିଶ୍ଚିନ୍ତ ସାର୍ଥକ ହୋଇଛି

ପାଇ ସମସ୍ତଙ୍କ ଶୁଭକାମନା

ଶାନ୍ତି ପ୍ରୀତି ମୈତ୍ରୀ ଆମରି ସୁକୀର୍ତ୍ତି

ଖୁସି ଦିଅଇ ସଭିଙ୍କୁ

ସେତ ଦିନ ରାତି ଜଣାନ୍ତି ପ୍ରଣତି ଦେବା ଦେବୀଙ୍କୁ