ଅନୁଭୂତିର‌‌‌ ଇନ୍ଦ୍ରଧନୁ

ମୋ ଗାଆଁ

ମୋ ଗାଆଁର ସଞ୍ଜ ସକାଳ

ଏଇଠି ସବୁ ଲାଗେ ଆକାଶର ଇନ୍ଦ୍ରଧନୁ ସମ

କେତେ ସୁନ୍ଦର ପ୍ରାକୃତିକ ପରିବେଶର ତା ହୃଦୟ

ବାହାରକୁ ବୁଲି ଯିବା ପଡିନି ଦରକାର

ଐତିହାସିକ ଅବା ମନୋରମ ଧର୍ମପୀଠ ମାନ

ମୋ ଗାଆଁକୁ ଦେଖି ଲେଖିଛି କବିତା ଲାଳିତ୍ୟଭରା ମାଧୁର୍ଯ୍ୟପୂର୍ଣ୍ଣ

ଏଠି ଅନୁଭୂତିର ପେଡିପୁଟୁଳି ସାଉଁଟି ଲେଖିଚି

ପୋଖରୀ, ବିଲ, କୁକୁର, ବିରାଡିର ଉପକ୍ରମ, ଉପସଂହାର

ଆମ ଗାଆଁର କୁମ୍ଭାଟୁଆ, କୁଣ୍ଡାପେଟିଆ, କଜଳପାତିଙ୍କ ପାଇଁ

ମୋ ପାଖରେ ଲେଖିବାକୁ ଶବ୍ଦର ଅଭାବ

ପୂର୍ବ ଦିଗବଳୟରେ ଉଇଁଲେ ସୂରୁଜ

ତାଙ୍କର ଚାଲିଲା ଭୋଜି, ରଜ ମଉଜ

ଗିନା, ତାଟିଆ ଆବଶ୍ୟକ କ'ଣ

ମାଟି ତାଡି ପୋକ ଖାଇବାରେ ଭାରି ଧୁରନ୍ଧର

ଆଜି ପାଇଁ ଏତିକି କାଲିକି ଲେଖିବି ଆଉ ଗୋଟେ ନୂଆ ଗପ