ଅନୁଭବୀ ବନ୍ଧୁତ୍ବ

ଚାହେଁ ତତେ ଲେଖିବାକୁ 

ହେଲେ, କେଜାଣି କାହିଁକି 

ଶବ୍ଦର ସଂଯୋଜନାରେ 

ମୁଁ ହାରିଯାଇ ବସିରହେ ।

ଚାହେଁ ତୋ ଗଭୀର ସାଗରରେ 

ବୁଡ଼ ପକେଇ ଗୋଟେ ନୂଆ ନାଁ କରିବାକୁ 

ହେଲେ, ଜାଣେନା ମୁଁ କେତେ ଦୂରେ ତୋ'ଠାରୁ 

ତୋ କଣିକାରେ ନା ତୋ ଗର୍ଭରେ ।

ଚାହେଁ ମୋ କଲମ ମୁନ ତୋ ସ୍ନେହର ପରିଭାଷାକୁ ରଙ୍ଗତୁଳୀରେ ଆଙ୍କି ଦେବାକୁ 

ହେଲେ, କେତେବେଳେ ମନ ଅଧାବାଟେ ରହିଯାଉଛି

ତ ପୁଣି କେତେବେଳେ ଶବ୍ଦ ବିଚ୍ଛେଦରେ ଅଟକି ରହୁଛି । 

ଭାବେ ତତେ ମନ ଭରି ଭଲପାଇବା ପାଇଁ 

ତୋ ଶରୀରର ଗୋଟେ ଗୋଟେ ଶବ୍ଦକୁ 

ହୃଦୟ ଭରି ଆପଣେଇ ନବାପାଇଁ 

କିନ୍ତୁ, କେଜାଣି ତତେ କେତେ ଦୂର ମୁଁ ଚିହ୍ନି ପାରିଛି 

ଖାଲି ଅଧାବାଟରେ ରହିଯାଇ ପୂର୍ଣ୍ଣଛେଦ ପଡ଼ିଯାଉଛି ।

ମନ ଖୋଜେ ତତେ ମୋର ପ୍ରତି ଭାବନାରେ 

ମୋର ବାସ୍ତବରେ ଆଉ କଳ୍ପନା ରେ 

ସର୍ବଦା ତୋ ଛବି ଆଙ୍କେ ମନ ଭିତରେ

ହେଲେ ଉତ୍ତାରିପାରେନା ତତେ

ଖାଲି ଚୁମ୍ବକରେ ତତେ ଅନୁଭବ କରିଚାଲେ

ଜଣେ ଅନୁଭବିଟେ ସାଜି ।।