ଅନୁଭଵ ରେ ମହାବାତ୍ୟା
ଅନୁଭଵ ରେ ମହାବାତ୍ୟା
ପ୍ରକୃତିରସେହି କରାଳ ରୂପକୁ
ବର୍ଣ୍ଣିବାକୁ ଭାଷା ନାହିଁ ,
ଆଖିର ପଲକେ ସବୁ ଶେଷ ହେଲା
ମହାବାତ୍ୟା ନାମ ନେଇ ।
ଉଣେଇଶ ଅନେଶତ ଅକ୍ଟୋବର
ଅଣତିରିଶ ତାରିଖ ,
ଶୁକ୍ରବାର ପୁଣି ସଂଧ୍ୟା ସମୟରେ
ବହୁଥିଲା ଅଣଚାଷ ।
ପ୍ରତିଟି ଘଣ୍ଟାରେ ରେଡିଓ ଖବର
ବର୍ଷା ପବନର ତାଳେ ,
ପଲଙ୍କ ଉପରେ ଶୋଇ ରହିଥିଲି
ମା ତାକୁ ଥିଲେ ଜୋରରେ ।
ଚାଳଘର ଥିଲା ପାଣି ଗଳୁଥିଲା
ପାଣିରେ ପୂରିଲା କୋଠରୀ,
ସିଲେଇ ମେସିନ ଘର କୋଣେ ଥିଲା
ମାଡି ବାନ୍ଧୁଥିଲି ଦଉଡି ।
ଦବିଲା ମେସିନ ଛାତିରେ ବାଜିଲା
ବେହୋଶ ହେଲି କିଛି କାଳ,
ପଞ୍ଚଗୁଣା ତୈଳ ରାତିସାରା ମାରି
ବର୍ଷା ପବନ ରେ ହେଲା ସକାଳ ।
କାନ୍ଥ ପଡ଼ି ଗଲା ରହିବା ଖାଇବା
ସବୁ ହେଲା ଅସୁବିଧା ,
ତିନିଦିନ ଜଳବନ୍ଦୀ ହୋଇଗଲୁ
ସାଂଘାତିକ ହେଲା ମୋର ଅବସ୍ଥା ।
ପାଣି ଛାଡିବାରୁ ମେଡିକାଲ ଗଲି
ଧିରେ ଧିରେ ସୁସ୍ଥ ହେଲି ,
ଅନେଶତ ମହାବାତ୍ୟା ସ୍ମରଣରେ
ଗୋଟିଏ ପାଖୁଡ଼ା କହିଲି ।