ଅଙ୍ଗୀକାର

ଶିବ ସଙ୍ଗେ ଶକ୍ତି ସମ୍ମାହିତ ହେଲେ

ହୋଇଯାଏ ଶିବଶକ୍ତି

ଶକ୍ତି ବିନା ଶିବ 'ଶବ'ର ସମାନ

ଅଧା ପ୍ରାଣ ଅଧା ମୁକ୍ତି ।

ଶିବ ମହାଯୋଗୀ ପ୍ରଣବ ସଂଯୁକ୍ତ 

ଶ୍ମଶାନ ଯାହାର ଘର

ଭଷ୍ମର ଲେପନ ଜନ୍ମ ମୃତ୍ୟୁ ତତ୍ତ୍ୱ 

ଏକବିଧର ପ୍ରମାଣ ।

ଅଜନ୍ମା ଅଜର ଅଛମର ରୂପ

ଜୀବର ଜୀବ ଜୀବନ

ମହା ସଂକଟରୁ କରେ ପରିତ୍ରାଣ

ହୁଏ ମୃତ୍ୟୁର କାରଣ ।

ଆଦିଶକ୍ତି ମହାମାୟା ଚଣ୍ଡ ମୁଣ୍ଡ 

ମାଳା ଖର୍ପରଧାରିଣୀ

ଯୋଗମାୟା ବସେ ସକଳ ଘଟରେ

ସେହି ମଙ୍ଗଳକାରିଣୀ। 

ଅର୍ଧଅଙ୍ଗ ସ୍ୱରୂପିଣୀ ଶିବ ସଙ୍ଗେ

ବିନାଶର ହର୍ତ୍ତାକର୍ତ୍ତା 

ସଂହାରକ ଭାବେ ଜଡିତ ଅଙ୍ଗରେ

ଶିବ ସଂହାର କରତା ।

ପ୍ରଣମୁଛି ସେହି ସଂଯୁକ୍ତ ଚରଣେ

ସଂହାରରୁ ତ୍ରାଣ ପ୍ରାଣ

ବିଲିନ କରାଅ ନିଜ ପାଦପଦ୍ମେ 

ଏତିକି ମୋ ନିବେଦନ ।