ଅନ୍ଧଗଳି
ଅନ୍ଧଗଳି
ଏବେ ମୁଁ ମୋ ପରିଚୟର ଅନୁସନ୍ଧାନରେ ,
ଫସିଯାଇଛି କେଉଁ ଏକ ଅନ୍ଧଗଳିରେ ।
କାହାକୁ କି ପ୍ରଶ୍ନର ଉତ୍ତର ଦେବି ?
ଯିଏ ମୋତେ ଜନ୍ମ ଦେଇଥିଲେ ,
ନା ଯାହାକୁ ମୁଁ ପ୍ରେମ କରୁଥିଲି ,
ଇଚ୍ଛା ହୁଏ ନିଜକୁ ମୁଁ କେଉଁଆଡେ ହଜାଇଦେବି !
ଏମିତି କୋଣଟିଏ ପାଏନି ଏ ଗୋଲାକାର ପୃଥିବୀରେ ,
ଅନ୍ଧାରକୁ ଅଣ୍ଡାଳିବାରେ ମୋ ଦିନ ସରେ ,
ଜୀବନର ଗୋଲକ ଧନ୍ଦାରେ !
ଯେବେ ରାତିହୁଏ ମୁଁ ନିଜକୁ ନିଜେ ପଚାରେ -
ମୁଁ ଠିକ୍ କରିଛି ନା ଭୁଲ୍ କରିଛି ?
ମୁଁ ଧର୍ମ ପଥରେ ଅଛି ନା ଅଧର୍ମ ପଥରେ ?
ଏ ସନ୍ଦିହାନ ପ୍ରଶ୍ନ ଙ୍କୁ ଜାଣିନି ମୁଁ ,
ମୁଁ ଖାଲି ଏତିକି ଜାଣେ ମୁଁ ଏକ ଅନ୍ଧଗଳିରେ !
ତଥାପି ମୁଁ ବାଟ ଅଣ୍ଡାଳେ ,
ପହଞ୍ଚିବାକୁ ଶୀର୍ଷ ସ୍ଥାନରେ ,
କେଉଁ ଏକ ବେନାମୀ ଅନ୍ଧଗଳିରେ
୦-୦-୦