ଅନ୍ଧାର ଗଳିରେ ହଜିଛି ଠିକଣା

ଅନ୍ଧାରଗଳିରେ ହଜିଯାଇଛି ମୋ ସ୍ୱପ୍ନର ଠିକଣା,

 ଅନ୍ଧାରଗଳି ଆଉ ସ୍ୱପ୍ନର ଠିକଣା ,

ମୁଁ ନିଜେ ନିଜକୁ ଚିହ୍ନିବା ଆଗରୁ ,

ଦେଖିଥିବା ଅସୁମାରି ସ୍ଵପ୍ନକୁ ସାକାର କରିବାକୁ,

ଲୋଡିଥିଲି କେତେ କାହାକୁ।

ହେଲେ ଆଲୋକର ସନ୍ଧାନରେ,

ଚାଲୁ ଚାଲୁ ଏତେ ବାଟ ଆସିଗଲି ଏତେ ଦୂର,

ପଛକୁ ଫେରି ଚାହେଁ ତ ସବୁକିଛି ,

ଅନ୍ଧାର ଅନ୍ଧାର ଧୂଆଁଳିଆ।

ଭାବିଥିଲି କେତେ ଜଣ ସାଥି ହେବେ ନିଶ୍ଚିତ,

ଆଶା ତ ଅସୁମାରି ,

ଆଶା ଭରସା ବିଶ୍ଵାସରେ ବନ୍ଧା ଏ ସମାଜ,

କେତେ କଣ କରିବାକୁ ପଡେ,

ସ୍ଵପ୍ନକୁ ସତ କରିବାକୁ ଜୀବନର ପଥେ ପଥେ ।

ମୁଁ ବି ଦେଖି ଥିଲି କେତେ ସ୍ୱପ୍ନ ,

କିଛି ସ୍ୱପ୍ନ ଥିଲା ଦିବାସ୍ଵପ୍ନ ,

ଆଉ କିଛି ବାସ୍ତବିକ ଗଭୀର ନିଦ୍ରାରେ,

କିଛି ବଳ ଭିଡ଼ି ଥିଲି ମନକୁ ଦୃଢ଼ କରିଥିଲି ,

ସେ ସପନରୁ କିଛିକୁ ସତ କରିବାକୁ ,

ହେଲେ ଜୀବନ ଝଞ୍ଜାରେ ,

ସମୟର ଉଜାଣି ମାଡ଼ରେ ସ୍ୱପ୍ନ ସବୁ ଆଜି ଦରମାଲା,

ସେ ସ୍ୱପ୍ନ ସବୁ ହଜିଯାଏ ଅନ୍ଧାରୀ ଗଳିରେ।।।