ଅକଳ୍ପନୀୟ ବିଶ୍ୱେଶ୍ୱର

ଅକଳ୍ପନୀୟ ମହିମା ପ୍ରଭୁ ବିଶ୍ୱେଶ୍ୱର

ଅନନ୍ତ ଅବ୍ୟକ୍ତ ଅବା ମାନସଗୋଚର |

ଅଶେଷ ବ୍ରହ୍ମାଣ୍ଡ ମାଳମାଳ ଯା' ଉଦର

ଅଣୁ ଅନ୍ତରୀକ୍ଷ ବ୍ୟାପ୍ତ ବିଶ୍ୱ ଚରାଚର |

ଅତୀନ୍ଦ୍ରିୟ ସର୍ବଘଟ ବିହାରୀ ଈଶ୍ୱର

ଅଜ ନିତ୍ୟ ସନାତନ ସର୍ବ ଶକ୍ତିଧର |

ଅବିରତ ରଚ ସୃଷ୍ଟି ପାଳନ ସଂହାର

ଅଭାବକୁ ଦୂର ତୁମେ ଭାବକୁ ପାଶର |

ଅକୂପାର କୃପା କର ହେ କ୍ଷମା ବାରିଧର

ଅକାତରେ ଚଉବର୍ଗ ଭୂତି ଦାନ କର |

ଅନନ୍ତ ଅଙ୍କବିହାରୀ କ୍ଷୀରାର୍ଣ୍ଣବ ଘର

ଅମ୍ବୁଧି ତନୟା ରମା ଖଟନ୍ତି ପୟର |

ଅବିରତ ବାଣୀ ବୀଣା ଵାଦନେ ତତ୍ପର

ଅମର ଅମରୀ ସ୍ତୁତି ରତ ନିରନ୍ତର |

ଅତୁଳିତ ବଳଧାମା ହନୁ ଖଗବର

ଅବ୍ଜପଦେ ଧ୍ୟାନରତ ଥାନ୍ତି ଯୋଡ଼ି କର |

ଅସାର ସଂସାର ତ୍ୟାଗୀ ଯୋଗୀ ମୁନିବର

ଅଗମ୍ୟ ଅରଣ୍ୟେ ତପ ରତ ନିରନ୍ତର |

ଅଚଳ ନୀଳକନ୍ଦରେ ବିଶ୍ୱକଳାକାର 

ଅକହାରୀ କଳିଯୁଗେ କରୁଛ ବିହାର |

ଅନ୍ତ ନପାନ୍ତି ଯାହାର ଧାତା ଇନ୍ଦ୍ର ହର

ଅନ୍ତର୍ଯ୍ୟାମୀ ବ୍ରହ୍ମଦାରୁ ବିଶ୍ୱ ଆର୍ତ୍ତ ହର |

ଅତି କ୍ଷୁଦ୍ର ପିଣ୍ଡେ ମୋର ଅଛ ଅଣାକାର

ଅରପୁଛି ତନୁ ମନ ପ୍ରାଣ ବିଶ୍ଵାଧାର |

ଅପାର ମାୟା ସଂସାରୁ ହରି ପାରିକର

ଅକିଞ୍ଚନର ଶରଣ ରଖ ମାୟାଧର |