ଅଖି ମୁଠି
ଅଖି ମୁଠି
1 min
199
ଚଷା ପୁଓ ଟାକି ବସିଛେ
କାଁକର୍ ସିତଲ୍ ସସ୍ଟି ।
ଭୂଇଁ ଦହନ ପହେଲି ରଜ
ଆଏଲେ ହେବା ବୁରୁସ୍ଟି ।।
ସମିଆ ଜାନି ଧାନ୍ ବୁନ୍ମି
ପକାମି ସୁଲେହି ପାର୍ ।
ସମିଆ ଜାନି ବତ୍ରେ ଛତ୍ରେ
ଦେମି ଭୁଗ୍ଲେ ସାର୍ ।।
ମନେ ମନେ କେତେ ଉସତ୍ ହେଇ
ଉଲିଆ ଭଦ୍ରି ମଚାନ୍ ଥି ରଖି ।
ବର୍ସା ରାନି କେ ଟାକି ବସିଛେ
ଜେନ୍ ଦିନୁ ଆଏଲା ତୁର୍ତିଆ ଅଖି ।।
ଇନ୍ଦର୍ ରଜାର୍ ସଭା ବସ୍ଲେ
ଧର୍ତି ରାନି ମାସ୍କିଆ ହେସି ।
ସିତଲ୍ ସସ୍ଟିର୍ ବାସି ତିଆସି
ରଜ ସଁକ୍ରାନ୍ତି ନର୍ଦି ଆଏସି ।।
କଁନ୍ଧ୍ ବୁଢା ରକତ୍ ଗୁଲେଇ
ପହେଲା କଲା ଛି ସି ମୁଠି ।
ଚାଷି ପୁଓ ଅର୍ ତ ତ କରି
ହାତେ ଧର୍ସି ନଂଗଲ୍ କଁଠି ।।