ଐଶ୍ୱର୍ଯ୍ୟମୟୀ ମୋ ରମ୍ଭା ......

' ଚାରୁ ଚିତ୍ରପଟେ ' ତା'ର ଚିତ୍ରପଟ

ଦେବି ବୋଲି ଭାବିଥିଲି,

ପରେ ମୁଁ ଭାବିଲି ସେ ଚିତ୍ରପଟ

ଆନ କେ ନ ଦେଖୁ ବୋଲି l

ସେଇ ଅପଘନ ଅପହଞ୍ଚ ରହୁ

ରହିଥାଉ ଅଜଣା ଅନାଘ୍ରାତା,

ଥାଉ ସେ କେବଳ ମନ ଅଂଗନରେ

ଖେଳାଇ ତା' ସୁରଭିତ ତନୁଲତା l

ନିସ୍ତବ୍ଧ ପ୍ରହରେ ଅତି ସରାଗରେ

ଚିନ୍ତି ତା'ର ତନୁରାଗ ତନୁବିଭା,

ଆଂକି ବସିବି ମୁଁ ତା'ର ଚିତ୍ରପଟ 

ସେ ମୋ ଐଶ୍ୱର୍ଯ୍ୟମୟୀ ରମ୍ଭା ।

ମୁଁ ଶିଳ୍ପୀ, ସେ ମୋ ଅଳସକନ୍ୟା

ତା'ର ତନୁ ସାମ୍ରାଜ୍ୟ

ସମ୍ରାଟ ମୁଁ, 

ତେଣୁ ବଂଧୁ ତା'ର ଚିତ୍ରପଟ

' ଚାରୁ ଚିତ୍ରପଟେ ' ଖୋଜିଲେ

ପାଇବ କାହୁଁ ? ......

( ବି.ଦ୍ର :--- ଚଳିତ ମାସରେ ପ୍ରକାଶ ହେବାକୁ ଯାଉଥିବା ମୋର ଗଳ୍ପ ସଂକଳନ " ଚାରୁ ଚିତ୍ରପଟ " ର କଭର ପେଜକୁ ନେଇ ମୋର କବିତା ) 

**************************************