ଅଗ୍ରପୂଜ୍ୟ ଗଣପତି

ପାର୍ବତୀ ତନୟ  ଗଉରୀ ନନ୍ଦନ

   ଅଗ୍ରପୂଜ୍ୟ ଗଣପତି

ଅଧମ ଜଗବନ୍ଧୁ ଲେଖେ ତୁମ ସ୍ତୁତି

  କିଞ୍ଚିତରେ ଘେନ ଭକ୍ତି

ପିତା ମହାଦେବ ମାତା ଯେ ପାର୍ବତୀ

   ଭ୍ରାତା ତୁମ ଷଡାନନ

ଅବତରୀ ଆସ ଧରା ଧାମେ ଆଜି

   ଆହେ ପ୍ରଭୁ ଗଜାନନ

ତୁମେ ବିଦ୍ୟାଦାତା ତୁମେ ସିଦ୍ଧିଦାତା

   ତୁମେ ପ୍ରଭୁ ଲମ୍ବୋଦର

ଅଜ୍ଞାନ ହୃଦୟେ ଜ୍ଞାନର ଆଲୋକ

   କୃପାନିଧି କୃପାକର

ଲେଖି ଜାଣେ ନାହିଁ ଲେଖଇ କବିତା

  ପ୍ରଭୁ ତୁମ ଦୟା ବଳେ

ଚାହିଁ କୃପା ନେତ୍ରେ ଦିଅ ବିଦ୍ୟା ବୁଦ୍ଧି

  ଏଇ ମୋର ହୃଦ ଥାଳେ