ଅଗ୍ନିପଥେ ଚାଲିବା କାହାକୁ ଶିଖେଉଛ

ଜୀବନରେ ଯଦି କାହାଠୁ ଟିକିଏ ସାହାଯ୍ୟ 

ସହାନୁଭୁତି ପାଇବୁରେ ବାଇମନ

ଯଦି କାହା ପ୍ରେରଣାରେ ବଢ଼ି ବଡ ହୋଇବୁ  

ଏବେର ନୀତି ତାକୁ ଆଗ ତୁ ଭୁଲିବୁ ଜାଣ |୧|

ଆମ ଦେଶର ଇତିହାସ ଶାସ୍ତ୍ର ଧର୍ମ ବାଣୀ ପଢି 

ହୋଇଛେ ପରା ଆମେ ବଳବାନ

ମିଛ ପ୍ରତିଶୃତି ଡ୍ରାମାବାଜୀ ଶିଖି ଗେରୁଆ ବସ୍ତ୍ର 

ପିନ୍ଧି ଚାଲ ହେବା କପଟୀ ଗଣ  |୨|

ପୁଞ୍ଜିପତି ସ୍ୱାର୍ଥେ ସବୁଜ ବନାନୀ ନଷ୍ଟ କରି 

ଭାବିବୁ ଖେଳିବ ସବୁଜ କ୍ଷେତ

ନୁହେଁ କି ଆକାଶ କଇଁଆ ଚିଲିକା ମାଛ ଦେଖିବା 

ବିଶ୍ୱ ଆକାଶେ ଉଡିବା ଭାରତ ମାର ନେତ |୩|

ବେକାରୀ ବୃଦ୍ଧିରେ କିପରି କୁହ ମୋ ଭାରତ 

ସୁନ୍ଦର ଦିଶିବ ଦେଶ ଯୁବକଙ୍କ ପାଇଁ

ଏ ସ୍ୱର୍ଣ୍ଣମୃଗ ତୃଷ୍ଣା ନୁହେଁ କି ସଭିଙ୍କ ମୁଖେ ହସ 

ଖେକିଯିବ ସତ୍ୟ ପଥେ ଯିବେ ଧାଇଁ |୪|

ଦୁଷ୍କର୍ମୀଙ୍କୁ ଶାସନର କଳ ଆଇନ ପୋଲିସ ଯୋଗାଇ

ଘଣ୍ଟ ଘୋଡାଇ ଦେଶଭକ୍ତ ବୋଲାଇବୁ

ଦେଶପ୍ରେମୀଙ୍କୁ ସେଡିସନ ଦଫାରେ ଯୋଡି ଅଗ୍ନିର 

ପଥରେ କାହାକୁ ଚାଲିବା ଶିଖେଇବୁ |୫|

ଭଲ କର୍ମ କରି କଷଣ ପାଇବା କର୍ମଫଳ ପାଇଁ 

ଲେଖା ହୋଇଛି ଯଦି ଶାସ୍ତ୍ର ମଧ୍ୟରେ

କାହିଁକି କେଜାଣି ମୋ ଦେଶ ଯୁବକ ଜାତିସ୍ମର ସାଜି 

ଦେଶ ସେବା କରି କଟାଇବେ ଦେଶ ଉନ୍ନତିରେ |୬|

ଭାରତ ମାତାର ସନ୍ତାନ ଆମେରେ ଆମ କର୍ମ 

ପାଇଁ ଭାରତର ଗର୍ବ ଗୌରବ ବଢିବ 

ଶ୍ରମର ଶୋଷଣ କରି ପୁଂଜିପତି ସେବାରେ କିପରି

ଏହାକୁ ମାତୃକାର ସେବା ବୋଲାଇବ |୭|

ଭାରତ ମାତାର ସନ୍ତାନ ଆମେରେ ଆମ କର୍ମ 

ପାଇଁ ଭାରତର ଗର୍ବ ଗୌରବ ବଢିବ 

ଧର୍ମବୀର ବୋଲାଇ କପଟ ଫାଶରେ ଦୁର୍ନୀତିର ପଥେ 

ଚାଲି କିପରି ମାଆର ସେବକ ବୋଲାଇବ |୮|