ଅବ୍ୟକ୍ତ କୋହ ଶୈଶବର

ମାଆ ତୁମେ ସତେ କାହିଁ ଗଲ

ମମ୍ମି ଡାକେ କିବା ହଜିଗଲ

ଖୋଜୁଛି ମୁଁ ତୁମ ବକ୍ଷ ଅମୃତ

ଚାକିରିକୁ କାହିଁ ଚାଲିଗଲ?

କିବା କୁହ ମାଆ ଦୋଷ ମୋର

ସ୍ନେହ ଆଦରରୁ କଲ ଦୂର

ମାଆର ମମତା ଦେଇ କି ପାରିବ 

ଅପରିଚିତ ସେ ଆୟା କୋଳ

ଖୋଜେ ମାଆ ତୁମ ମିଠା କଥା

ମିଳୁଛି ମାଆ ଖାଲି କର୍କଶତା

କାହିଁକି କୁହ ଏ ନିର୍ଦ୍ଦୟତା?

ଖେଳିବା ପାଇଁ ମୋ ସାଥୀ ଲୋଡା

କି କଣ୍ଢେଇ, ହାତୀ ଘୋଡା

ପାରିବ କି କଣ୍ଢେଇ କଥା କହି?

ମାଆ ପରି ଦେବ କି ସେ ବୁଝାଇ

ପଣତକାନି ଖୋଜିଲା ବେଳେ ମୁଁ 

ସ୍କୁଲରେ କାହିଁ ଛାଡିଦେଲ?

ବସ୍ତାନିର ବୋଝ ଧରାଇଲ

ଗ୍ରନ୍ଥକୀଟ ମୋତେ କରିଦେଲ

କାହିଁ ମୋ ଶୈଶବ ଲୁଟିନେଲ?

ବାପାଙ୍କୁ କି କହିବି ଆଉ

କମ୍ପାନୀରେ କଟେ ସଞ୍ଜ ସକାଳ

ମୋ ପାଇଁ ବେଳ କାହିଁ ଆଉ?

ଥରେ ମୋ ଶୈଶବ ଗଲେ ଚାଲି

ଫେରାଇ ପାରିବ କି ତୁମେ ଆଉ?